Almatyda estrada jáne kıno juldyzdary, ataqty sportshylar, bıznes ókilderi, qoǵamdyq birlestikter men qala turǵyndary alma aǵashyn otyrǵyzýǵa qatysty, dep habarlaıdy almaty-akshamy.kz
Qalanyń ártúrli aýdandarynda alma baǵyn otyrǵyzý memleket basshysynyń bastamasymen «Taza Qazaqstan» aksıasy aıasynda ótýde.
Bokstan QR Eńbek sińirgen jattyqtyrýshysy Edilov Tursynǵalı qala turǵyndaryn tazalyqty saqtap, qalany gúldendirýge tek senbilik kúnderi ǵana emes, turaqty negizde júrgizýge shaqyrdy.
«Qala árqashan jasyl bolýy úshin aǵashtarǵa kútim jasaıyq. Búgin biz Medeý aýdanynda aǵash otyrǵyzdyq. Kóp uzamaı qala turǵyndary osy sulýlyqty tamashalaıtyn bolady degen senemin», - dedi ol.
"Almaty - baqsha qala" aksıasynyń aıasynda barlyǵy 8 205 jasyl jelek otyrǵyzyldy. Sonyń ishinde 4 515 jemis, 1 090 japyraqty aǵash pen 2 600 buta bar.
Aǵashtardy otyrǵyzý kezinde eki jerden onlaın translásıa júrgizildi: ALA saıabaǵy men Qaraǵaı ormany.
Esterińizge sala keteıik, megapolıste 8 sáýirde bastalǵan «Almaty – bizdiń ortaq úıimiz» naýqany jalǵasýda.