Kamchy Kolbaev tutqyndaý kezinde qaza tapqan bolatyn
Qyrǵyz Respýblıkasynda Kamchy Kolbaevtyń 720 páteri memleket menshigine berildi. Bul týraly Memlekettik múlikti basqarý jónindegi memlekettik agenttigi dırektorynyń birinshi orynbasary Meder Máshıev aıtty, dep habarlady almaty-akshamy.kz 24.kg-ge silteme jasap.
Qyrǵyzstan sheneýnigi páterlerdiń bári erikti túrde berilgenin atap ótti. Bul úılerdiń barlyǵy qylmys áleminiń serkesi Kamchy Kolbaevqa tıesili bolǵan.
Meder Máshıevtiń aıtýynsha, Kamchy Kolbaevtyń 38 jyljymaıtyn múlki de memleket menshigine ótken. Onyń ishinde ǵımarattar men jer telimderi, 15 aksıa men kásipkerlik sýbektileriniń jarǵylyq kapıtalyndaǵy úlesteri, sondaı-aq 356 kóligi bar.
Eske sala ketsek, qylmys áleminiń serkesi Kamchy Kolbaev tutqyndaý kezinde qaza tapqan bolatyn. Osy oqıǵadan keıin Ulttyq qaýipsizdik memlekettik komıtetiniń tóraǵasy Kamchybek Tashıev qylmys álemi serkesiniń 820-dan astam páteri bar ekenin, olar memlekettik ıpoteka arqyly halyqqa beriletinin aıtqan.