Almatyda qoǵamdyq kólikti ekologıalandyrý jumystary aıasynda taǵy eki baǵyttaǵy avtobýstar jańartyldy.
№52 marshrýtta ortasha dızeldi avtobýstardyń ornyna «Foton» markaly syıymdylyǵy joǵary gazben júretin avtobýstar júre bastady. Sonymen qatar, avtobýstardyń jolaýshylar tasymalyna josparly shyǵýy jumys kúnderi 16-dan 25 birlikke deıin, demalys kúnderi 14-ten 20 birlikke deıin ulǵaıtyldy. Sonyń nátıjesinde josparly aralyq jumys kúnderi 11-den 9 mınýtqa deıin jáne demalys kúnderi 14-ten 11 mınýtqa deıin qysqardy.
Sondaı-aq, qala turǵyndarynyń ótinishi boıynsha №24 marshrýtqa «Yutong» markaly syıymdylyǵy joǵary avtobýstar shyǵaryldy. «Ójet sh/a -Soltústik» – «Ekobeket» qatynasyndaǵy marshrýttaǵy jyljymaly quramnyń sany 12 birlik, josparly qozǵalys aralyǵy 15 mın.
Esterińizge sala keteıik, byltyr megapolıs basshysy Erbolat Dosaevtyń tapsyrmasymen ákimdik 600 avtobýs pen 100 troleıbýs satyp alyp, 22 jańa marshrýt, onyń ishinde 10 qala mańyndaǵy baǵyt uıymdastyryp, 50-ge jýyq eldi mekendi qamtydy. Bıyl taǵy 600 avtobýs, 100 troleıbýs jáne elektr qýatymen júretin 100 avtobýs satyp alý josparlanyp otyr.