Qazir bereshektiń jalpy somasy 13 mıllıard teńgege jetken.
Elimizde ul-qyzdaryna alıment tólemeı qashyp júrgen 11 myń áıel bar, dep habarlaıdy almaty-akshamy.kz ınformbúro aqparattyq baǵdarlamasyna silteme jasap.
Degenmen, týǵan balalaryna aqsha tóleýden jaltaryp júrgenderdiń denin áli de er azamattar qurap otyr. Olardyń sany 281 myń adam. Qazir bereshektiń jalpy somasy 13 mıllıard teńgege jetken.
Ókinishke qaraı, alıment tóleı almaǵandardyń arasynda shetelge shyǵýǵa shekteý qoıylǵany, ákimshilik jaýapkershilikke tartylǵany jáne sottalǵandary da azaımaı tur. Sondyqtan memleket 13 myńnan astam ákeni jumysqa ornalastyrǵan.
Jyl basynan beri problemalyq alımentter sany boıynsha 16 197 is óndiriske alynyp, qaryz mólsheri 20,7 mlrd teńgege jetken. Qazir problemalyq alımentter 21%-ǵa deıin tómendedi, ıaǵnı, 13 mlrd teńgege óndiriske alynǵan 12 883 is bar. Ortasha alǵanda alıment óndirisiniń 95%-dan astamy sot oryndaýshylarynyń talaptaryn esh qıyndyqsyz oryndaıtyn jumys berýshilerdiń eseptik qyzmetteri arqyly óndiriledi.
Qazir 7 myńnan astam boryshkerge qatysty Qazaqstan Respýblıkasynan tys jerlerge shyǵýǵa ýaqytsha shekteýler qoıdy.
Bıyl alıment boıynsha mindettemelerdi oryndamaǵany úshin 1 875 boryshker ákimshilik jaýapkershilikke tartyldy. Boryshkerdi qylmystyq jaýapkershilikke tartý úshin QR QK-niń 139-baby boıynsha Sotqa deıingi tergep-tekserýdiń biryńǵaı tiziliminde 304 is tirkelip, onyń ishinde 115 is sotqa jiberilip, 55 boryshker sottaldy.