Almatydaǵy Rysqulov-Bókeıhanov jolaıyryǵyna burylatyn jol jóndeýge jabylady
Rysqulov-Bókeıhanov jolaıyryǵyndaǵy aýmaqqa ortasha jóndeý jumystaryn júrgizýge baılanysty qozǵalysqa ýaqytsha shekteý engiziledi, dep habarlaıdy aqshamnews.kz
2 tamyz saǵat 23.00-den 4 tamyz saǵat 11.00-ge deıin jolaıyryqtyń soltústik-batysqa burylatyn jolda qozǵalys tolyǵymen jabylady.
Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «Iandeks kartalar» servısterinde jazylǵan.
