Azıadaǵy asa iri megapolısterdiń birinde, dáliregi, Gonkongte kepterlerdi qoldan qorektendirýge qatań tyıym salyndy.
Bul jaıynda aqshamnews.kz islam.kz portalyna silteme jasaı otyryp habarlaıdy.
Atalmysh ereje talaptaryn buzǵandarǵa 100 myń gongonktyq dollar aıyppul salynyp, bir jyl jylǵa deıin bas bostandyǵynan aıyrady. Qazirgi ýaqytta bul megapolıste jabaıy janýarlardy - maımyldardy, qabandar men torǵaılardy tamaqtandyrýǵa tyıym salyndy. Jabaıy kógershinder buryn zańnamada úı janýarlaryna jatqyzylǵan. Gonkong turǵyndaryna jańa talaptarmen tanysýǵa ýaqyt berildi.
Osylaısha, tamyz aıynyń 1-i men 31-i aralyǵynda tártip buzýshylarǵa aldymen aýyzsha eskertý jasalyp, baǵynbaǵan jaǵdaıda ǵana májbúrleý sharalary qoldanylady. Qyrkúıektiń 1-nen bastap olar jańa ereje boıynsha jaýapqa tartylady. Osy oraıda bıylǵy qystyń sońǵy aıynda – aqpanda nemisterdiń Lımbýrg qalasynyń bıliginiń turǵyndar tarapynan úılerdiń, kóshelerdiń men eskertkishterdiń qus sańǵyryǵymen lastanǵandyǵy týraly qarsha boraǵan shaǵymdarynan sharshap, kógershinderdi aýlap, keıin olardy joıý arqyly sanyn azaıtýdy uıǵarǵanyn aıta ketpekpiz. Alaıda, janýarlar quqyǵyn qorǵaýshylar uıymy óre túreelip, bul bastamaǵa narazylyq bildirgen edi. Tipti, referendým ótkizgen bolatyn. Alaıda, onyń nátıjesi jarıalanbady.