Jetisý aýdanynda zamanaýı ınovasıalyq shyǵarmashylyq ortalyǵyn salý boıynsha jobalaý-smetalyq qujattama (JSQ) ázirlenip jatyr. Bul týraly Almaty ákimi Erbolat Dosaev aýdan turǵyndarymen kezdesý barysynda málimdedi, dep habarlaıdy aqshamnews.kz
Buǵan deıin Jetisý aýdanynda mundaı shyǵarmashylyq damý ortalyǵy bolmaǵan.
«Alǵashqy ınovasıalyq shyǵarmashylyq ortalyǵy Aınabulaq shaǵyn aýdanynda salynady. Qazirgi ýaqytta JSQ ázirleý aıaqtalyp, 2025 jyldyń shilde aıynda memlekettik saraptamanyń qorytyndysy shyqpaq», – dedi qala basshysy.
Qurylys-montaj jumystary bıylǵy jyldyń tórtinshi toqsanynda baıqaý rásimderinen keıin bastalady.
Aıta keteıik, osyndaı ortalyqtar Almatynyń Naýryzbaı jáne Alataý aýdandarynda ashylǵan. Ár ortalyq aptasyna 5 000 balaǵa deıin qabyldaı alady.
Qazirgi ýaqytta shaharda 28 680 bala bilim alatyn 19 memlekettik qosymsha bilim berý uıymy bar.