Almatynyń Jetisý aýdanynyń ótken jylǵy áleýmettik-ekonomıkalyq damýy oń serpin kórsetti. 2024 jyly aýdan búdjeti 27%-ǵa ósip, 21,4 mlrd teńgege jetti, dep habarlaıdy aqshamnews.kz.
2025 jyly turǵyndardyń ómir súrý sapasyn arttyrý jáne odan ári damý maqsatynda aýdan búdjeti 20%-ǵa ulǵaıtylyp, 26,9 mlrd teńge boldy.
Qala ákimi Erbolat Dosaev atap ótkendeı, bıyl ákimdikterdiń basym baǵyttary – ınfraqurylymdy jańǵyrtý, áleýmettik nysandardy jańartý, kólik qoljetimdiligin jaqsartý jáne qoǵamdyq keńistikterdi damytý bolmaq.
Sonymen qatar, 2025 jyly Almaty ekonomıkasyna 2,2 trln teńge ınvestısıa tartý josparlanyp otyr, bul ótken jyldardaǵy kórsetkishterden edáýir joǵary. Bul sharalar qala turǵyndarynyń ómir súrý sapasyn arttyrýǵa jáne ekonomıkany nyǵaıtýǵa baǵyttalǵan.