Sybaılas jemqorlyqqa qarsy kúres
Almaty qalasyna jumys sapary aıasynda QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov qala ákimi Baqytjan Saǵyntaevtyń tóraǵalyǵymen ótken Sybaılas jemqorlyqqa qarsy is-qımyl keńesiniń keńeıtilgen otyrysyna qatysty, dep habarlaıdy Almaty-akshamy.kz
Otyrysqa aýdan ákimderi, memlekettik jáne quqyq qorǵaý organdarynyń basshylary, depýtattar, qoǵam jáne bıznes-qoǵamdastyq ókilderi qatysty.
İs-shara barysynda sybaılas jemqorlyqqa qarsy qyzmettiń basshysy M.Ahmetjanov sybaılas jemqorlyqqa qarsy is-qımyl salasynda júrgizilip jatqan reformalar týraly aıtyp, 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasynyń jobasyna erekshe nazar aýdardy. Tıisti tapsyrmany Prezıdent óziniń Qazaqstan halqyna Joldaýynda bergeni belgili.
M. Ahmetjanovtyń aıtýynsha, tujyrymdamanyń novelalarynyń biri negizsiz baıý úshin jaýapkershilikti engizý bolyp tabylady. Ol shyǵystardyń kiristerden asyp ketýi qarjylyq tekserýdi bastaý úshin sıgnal bolatynyn erekshe atap ótti.
Agenttik Tóraǵasy azamattardyń sybaılas jemqorlyqqa qarsy is-qımyl salasyndaǵy qajettilikteri men úmitterin qanaǵattandyrý qyzmettiń birinshi kezektegi mindeti bolyp tabylatynyn atap ótti. Sondaı-aq, memlekettik organdar men ishki monıtorıńke sybaılas jemqorlyqqa qarsy komplaens-qyzmetterdi engizý boıynsha usynystar berildi. Sonymen qatar, bıznes salasynda sybaılas jemqorlyqqa qarsy standarttardy engizý qajettiligi atap ótildi.
Otyrys barysynda spıkerler sybaılas jemqorlyqqa qarsy bastamalardy tanystyrdy, tásilderdi jetildirý boıynsha sharalar talqylandy jáne aǵymdaǵy jyldyń 9 aıynda Almatyda sybaılas jemqorlyqqa qarsy is-qımyl boıynsha jumystyń aralyq qorytyndylary qaraldy.
Keńes qorytyndysy boıynsha, Almaty qalasynyń ákimi B. Saǵyntaev qala ákiminiń jetekshilik etetin orynbasarlaryna sybaılas jemqorlyqqa qarsy saıasatty iske asyrý kezinde osy usynystardy eskerýdi tapsyrdy.