Tanymal sheteldik múltfılmder qazaq tiline aýdarylady, dep habarlaıdy Almaty-akshamy.kz
«Jyl basynan beri biz shetelde tanymal múltıplıkasıalyq telearnalardyń ónimderin qazaq tiline aýdarý boıynsha jobany iske qostyq. Dálirek aıtqanda, bul - TiJi, Nickelodeon sıaqty arnalardyń múltfılmderi. Olarmen kelissózder júrgizildi. Qazir «Qazaqfılm» negizinde aýdarma jasaýǵa kirisip kettik. Jyl sońynda bul jumys aıaqtalady. Bul Nickelodeon jáne TiJi múltfılmderi qazaqsha sóıleıdi degendi bildiredi. Búginde qazaqtildi otbasylarda tárbıelenip jatqan kishkentaı balalardyń orys tilinde sóıleıtini eshkimge qupıa emes. Bul - múltfılmderdiń saldary. Til tek ata-ana tárbıesine ǵana emes, ekranǵa da baılanysty qalyptasatyn ýaqyt keldi. Shynynda da, qazaqtildi bala keıingi ýaqytta múltfılmderdiń áserinen orys tilinde sóıleı beredi. Sondyqtan biz osy telearnalarmen kelissózder aıasynda 800 saǵattyq ónimdi qazaq tiline aýdarý boıynsha jumys istep jatyrmyz», - dedi Aıda Balaeva OKQ-da ótken baspasóz máslıhatynda.
«Salystyrý úshin, «Masha men aıý» múltfılminiń birinshi maýsymynyń túsirilimine 2 mlrd teńge jumsalady, bul tek eki saǵattyq ónim. Al biz tanymal múltıplıkasıalyq arnalardyń 800 saǵattyq ónimin tórt ese arzanǵa jasaımyz. Eger biz ózimiz sapaly ónim shyǵaratyn bolsaq, onda ol úlken qarajat pen kóp ýaqytty qajet etedi. Qazir biz ár ýaqytty tıimdi paıdalanýymyz kerek», - dep túsindirdi mınıstr.
AQDM basshysy tanymal telearnalardyń múltfılmderin qazaq tiline aýdaratyn bolsa, balalar da qazaq tilinde sóıleıdi dep esepteıdi. Sonymen qatar, Aıda Balaeva basqa tilderdi de úırený qajettigin atap ótti.