Bul shara mınıstrlik atqaratyn ulttyq jobanyń «El rýhy» II baǵyty aıasynda júzege asady.
QR Mádenıet jáne sport vıse-mınıstri Nurǵısa Dáýeshovtiń aıtýynsha, zaǵıp jáne kózi nashar kóretinderge arnalǵan kitaphanalar qory ulǵaıtylady, dep habarlaıdy Almaty-akshamy.kz
Bul baǵyttaǵy jumys elimizdegi múmkindigi shekteýli adamdar úshin teń qoljetimdilikti qalyptastyrý jáne olardyń áleýetin iske asyrý maqsatynda 2025 jylǵa deıingi kezeńdi qarastyrady.
Osy baǵyttaǵy jumystar elimizdegi zaǵıp jáne nashar kóretin azamattarǵa arnalǵan kitaphanalarmen birlese júrgiziledi. Atalǵan kitaphana oqyrmandarynyń negizgi aqparat kózi - bederli-núkteli shrıft, ıaǵnı Braıl qarpindegi kitaptar.
Bul rette mınıstrliktiń 2021-2023 jyldarǵa arnalǵan búdjettik josparynda jyl saıyn zaǵıp jáne nashar kóretin azamattarǵa arnalǵan respýblıkalyq kitaphanaǵa braıl prınteri men braıldiń portatıvti taktıldi dıspleılerin, materıaldyq emes aktıvterdi satyp alý úshin jáne kitaphana qoryn tolyqtyrýǵa tıisti qarajat qarastyrylǵan.