Almaty qalasynda sybaılas jemqorlyq táýekelderiniń kartasyn iske asyrý týraly QR Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń basshysy Arman Rahımov ÓKQ brıfıńinde sóılegen sózinde aıtty, dep habarlaıdy Almaty-akshamy.kz.
Spıkerdiń málimetinshe, aǵymdaǵy jyly sybaılas jemqorlyqqa qarsy 11 monıtorıń jáne sybaılas jemqorlyq táýekelderine 4 syrtqy taldaý júrgizildi, onyń qorytyndysy boıynsha 137 usynym engizildi.
Arman Rahımovtyń aıtýynsha, qalada bıznesti damytýdyń tıimdiligine áser etetin birqatar problemalar bar.
«Kásipkerlerge kómek kórsetý maqsatynda jyl basynan beri iske asyrylyp jatqan “Bızneske jol» jobasy aıasynda 2000-nan astam kásipkerdi qamtýmen 101 kezdesý ótkizildi, 38 problemalyq másele sheshildi, 1600-den astam kásipkerdiń quqyqtary qorǵaldy. Kásipkerlik qyzmetke aralasqany úshin ÁQBtK - niń 173-baby boıynsha 3 laýazymdy tulǵa ákimshilik jaýapkershilikke tartyldy», - dedi spıker.
7 fakt boıynsha ÁQBtK-niń 465-baby boıynsha ruqsat berý tártibi men merzimin buzǵany úshin 4 adam jaýapqa tartyldy.
«Biz jumysty qoǵam qaıratkerlerimen, úkimettik emes uıymdardyń, azamattyq alánstyń ókilderimen, bıznes belsendilerimen jáne jastar qozǵalystarynyń kóshbasshylarymen tyǵyz qarym - qatynasta júrgizemiz», - deıdi A.Rahımov.
Aıta keteıik, Sybaılas jemqorlyqqa qarsy mádenıetti qalyptastyrý aıasynda 180 myńnan astam adamdy qamtıtyn túrli formattaǵy 750-den astam is-shara ótkizildi.
Álemdik oń tájirıbelerdi eskere otyryp, aǵymdaǵy jyldyń tamyz aıynda Agenttik “Sybaılas jemqorlyqqa qarsy volonterlik" jańa áleýmettik jobasyn iske qosty, onyń maqsaty eriktiler retinde sybaılas jemqorlyqqa qarsy qozǵalysqa beı-jaı qaramaıtyn azamattardy tartý bolyp tabylady.
Almaty qalasynda nıet bildirgender sany 250-den astam adamnan asatyn el boıynsha basqa óńirlermen salystyrǵanda azamattardyń eń kóp sany boldy.