Almaty qalalyq PD esirtki qylmysyna qarsy kúres basqarmasynyń qyzmetkerleri Áýezov aýdandyq polısıasynyń jedel ýákilderimen birlesip, esirtki ósimdikterin zańsyz ósirý deregin anyqtady, dep habarlaıdy aqshamnews.kz.
Jedel-izdestirý is-sharalary barysynda polısıa qyzmetkerleri quramynda esirtki bar ósimdikter ósiriletin, jabdyqtalǵan fıtozerthanany anyqtady. Ǵımarattan ózine tán ıisi bar 31 túp ósimdikter, sondaı-aq arnaıy tehnıkalar: shamdar, tarazylar, tyńaıtqyshtar, sýdyń qyshqyldyǵy men temperatýrasyn ólsheıtin qurylǵylar tárkilendi. Saraptamaǵa sáıkes, ósimdikter – marıhýana esirtkisi dep tanyldy, onyń jalpy salmaǵy 21 keliden asady. Kúdikti qamaýǵa alynyp, sotqa deıingi tergeý bastaldy.
- Mundaı arnaıy is-sharalar "Profılaktıka jyly" aıasynda esirtki qylmysyn anyqtaý jáne jolyn kesý boıynsha polısıanyń júıeli jumysynyń bir bóligi bolyp tabylady. Der kezinde den qoıýǵa, qyzmetter arasyndaǵy belsendi ózara is-qımylǵa jáne jedel aqparatty tıimdi paıdalanýǵa basa nazar aýdarylady, - dedi, Almaty qalalyq PD esirtki qylmysyna qarsy kúres Basqarmasynyń bastyǵy Murat Jumabaev.