1 mamyrda Almaty qalasynda 60 sýburqaq iske qosylady. Qala balansynda barlyǵy 66 sýburqaq bar, onyń 6-yn qaıta jańǵyrtýda («Odývanchık», «Aqqý», «Qyzǵaldaq» sýburqaqtary, M. Áýezov Qazaq ulttyq drama teatrynyń aldynda.. Ál-Farabı atyndaǵy QazUÝ jáne QR Memlekettik murajaıy).
«Almaty – bizdiń ortaq úıimiz» naýqany aıasynda sýburqaqtardyń tostaǵandary, túpteri, qabyrǵalary tazartylyp, granıt plıtalaryn qalpyna keltirý boıynsha daıyndyq jumystary júrgizildi. Mamandar sýburqaqtardyń sándik elementterin boıady, elektr jabdyqtary men sorǵylaryna, elektr energıasynyń ınjenerlik jelilerine, sýyq sýmen jabdyqtaýǵa jáne kárizge revızıa júrgizdi. Komýnaldyq qyzmetterdi jetkizýshilermen sýmen jabdyqtaý jáne elektrmen jabdyqtaý júıeleri qaıta konservasıalandy. Daıyndyq jumystary barysynda avarıalyq ýchaskeler anyqtaldy, qazirgi ýaqytta ınjenerlik sýmen jabdyqtaý jáne elektrmen jabdyqtaý jelilerin qalpyna keltirý jumystary aıaqtalýda.
Esterińizge sala keteıik, 8 sáýirden 8 mamyrǵa deıin «Almaty – bizdiń ortaq úıimiz» naýqany ótip jatyr, onyń aıasynda qalada jáne taýlar, ózender men kólder aýmaǵynda qoqystardan tazartý, aǵashtardy, gúlder men butalardy jappaı otyrǵyzý, ǵımarattardyń qasbetterin jýý, shaǵyn sáýlet nysandaryn, qorshaýlardy, balalar ján sport alańdary jóndelip, aınala abattandyrylýda.
Árbir almatylyq qalanyń tazalyǵy men ıgiligine úles qosa alady. Tolyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Veb-saıtqa qala boıynsha ornalastyrylǵan bannerler, posterler men afıshalardaǵy arnaıy QR-kod arqyly kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.