Polıseıler Almatydaǵy bazarlarǵa tekseris júrgizdi.
Jergilikti reıdterdiń maqsaty – zańsyz kóshi-qon arnalaryn, sheteldik jumys kúshin tartý erejelerin buzý- bir sózben aıtqanda, Qazaqstan Respýblıkasynyń kóshi-qon zańnamasyn buzý derekterin anyqtaý, dep habarlaıdy Almaty-akshamy.kz Polisia.kz-ke silteme jasap.
«Ótken demalys kúnderi bizdiń bólimshe qyzmetkerleri 22 bazardy tekserdi, nátıjesinde 81 sheteldik anyqtaldy, olardyń 63-inde jeke basyn kýálandyratyn qujattary joq. Quqyq buzýshylarǵa qatysty ákimshilik is materıaldary jınaqtaldy. Olardyń jeteýi sot sheshimimen memleketimizden shyǵaryldy. Sonymen qatar ózderi shaqyrǵan sheteldik azamattardyń Qazaqstan Respýblıkasynda zańdy bolýyn qamtamasyz etpegen 24 jeke jáne zańdy tulǵaǵa ákimshilik shara qoldanyldy», – dedi Almaty qalalyq polısıa departamenti kóshi-qon qyzmeti basqarmasynyń basshysy Asqat Býtýnchınov.