Almatyda 27 qazanda túngi saǵat 3-ten bastap jańbyr jaýa bastady, ol 28 qazan kúngi keshki saǵat 5-ke deıin jalǵasady.
Qalada 12 mm jaýyn-shashyn, Kamenskoe platoda 23 mm jaýyn-shashyn boldy.
28 qazandaǵy jaǵdaı boıynsha Almatyda qazan aıynda 61 mm tústi, aılyq normasy 50 mm, bul 122%-dy quraıdy.
TJ-dyń jedel kezekshisiniń aqparaty boıynsha basyp qalý faktisi tirkelgen joq.
Yqtımal sý basyp qalýdyń aldyn alý jáne joıý maqsatynda motopompalarmen, bagralarmen jáne basqa da qajetti quraldarymen jabdyqtalǵan 42 jedel mobıldi brıgadanyń kezekshiligi uıymdastyryldy. Aryq ótkelderindegi kezdeısoq qoqystardyń barlyq keptelisteri 15-20 mınýt ishinde joıylady.
470 birlik arnaıy tehnıka men 1020 jol jumysshysy jumyldyryldy, 2,1 myń qap qum daıyndaldy.
«Qazgıdromet» RMK aqparaty boıynsha búgin keshke deıin qalada 8 mm-ge deıin jańbyr jaýady, saǵat 11-ge deıin qatty jaýyn bolady, keıin birtindep báseńdeı. Taýlarǵa qar túsedi. Soltústik-shyǵys jel 3-8 m/s. aýa temperatýrasy +6...+ 8°S.
Almaty qalasynyń komýnaldyq ınfraqurylymdy damytý basqarmasy