2025 jyldyń 1 qańtarynan bastap Qazaqstanda onlaın mıkrokredıt rásimdeý kezinde bıometrıalyq sáıkestendirý men elektrondyq sıfrlyq qoltańbany qatar qoldaný mindetti bolady, dep habarlaıdy aqshamnews.kz.
Bul týraly Ulttyq bank tóraǵasy Tımýr Súleımenov depýtattyq saýalǵa jaýap retinde málimdedi. Onyń aıtýynsha, mıkroqarjylyq uıymdar aqsha aýdarymyn jasaý aldynda klıenttiń banktik shoty nemese tólem kartasynyń oǵan tıesili ekenin anyqtaýy kerek.
Jalpy, bankter men mıkroqarjylyq uıymdarǵa keminde eki tekserý ádisin – bıometrıa men ESQ qoldaný talap etiledi. Sonymen qatar, bankter tólemder men aýdarymdar jasaǵan kezde klıentke onyń uıaly nómirine tekserý kodyn jiberýdi qamtamasyz etedi.
Ulttyq bank onlaın-kredıt rásimdeý kezinde ótinimdi maquldaýdy kem degende kelesi kúni júrgizýdi usynady, bul "salqyndatý" kezeńin engizedi, osylaısha klıentke alaıaqtar tarapynan májbúrlengen kredıtten bas tartý múmkindigi beriledi. Ulttyq bank basshysy azamattardyń nesıe alýdan óz erkimen bas tartý quqyǵy bar ekenin eske saldy. Qazirgi tańda bul múmkindikti shamamen 700 myń qazaqstandyq paıdalandy.