Oryn alǵan nemese daıyndalyp jatqan terorızm aktisi jóninde belgili bolǵan jaǵdaıda dereý quqyq qorǵaý organdaryna habar berý – árbirimizdiń azamattyq mindetimiz bolsa, Qazaqstan Respýblıkasynyń Qylmystyq kodeksiniń 273-babyna sáıkes ol jóninde jalǵan habar berý – qylmys, zańmen jazalanady.
Terorızm aktisiniń oryn alǵany nemese daıyndalyp jatqany týraly aqparatty quqyq qorǵaý organdaryna ýaqytyly habarlaý – ár azamattyń mindeti. Alaıda, osyndaı oqıǵa týraly jalǵan málimet berý – zań buzýshylyq bolyp tabylady jáne qylmystyq jaýapkershilikke tartylady.
Sońǵy jyldary elimizde kópshilik jınalatyn oryndarda, atap aıtqanda, áýejaılar, temirjol vokzaldary, saýda ortalyqtary jáne basqa da áleýmettik nysandarda jarylǵysh qurylǵylar ornatylǵany týraly jalǵan habarlamalar azaıa bastaǵan.
Jalǵan aqparat berýshilerdiń eń úlken qateligi – ózderin eshkim taba almaıdy dep oılaýy. Qazirgi ýaqytta quqyq qorǵaý organdarynda qońyraý shalýshynyń ornalasqan jerin tez anyqtap, ony jaýapqa tartýǵa barlyq tehnıkalyq múmkindikter bar.
Jarylǵysh qurylǵy týraly habar túsken kezde jedel qyzmetter dereý qaýipsizdik sharalaryn qabyldap, izdestirý operasıalaryn júrgizedi.
Telefon terorızminiń sebepteri ártúrli: ádeıi buzaqylyqtan bastap jaýapsyz ázilderge deıin. Mysaly, áýejaılarda keıbir jolaýshylar tekserý kezinde "júk ishinde ne bar?" degen suraqqa "bomba" nemese "granata" dep qaljyńdap jatady. Biraq bul "ázildiń" saldary qanshalyqty aýyr bolatynyn olar túsinbeıdi.
Osyndaı bir ǵana "ázil" kóp kúsh pen resýrsty jumyldyrýǵa, adamdardy evakýasıalaýǵa, reısterdiń toqtatylýyna nemese keshiktirilýine alyp keledi. Mundaı jaǵdaılardyń kópshiliginde bul qylmystar mas kúıde jasalady, jáne olardyń saldary týraly oılanbaıdy. Sot kezinde kináliler óz áreketterine ókinetinin aıtýda.
QR Qylmystyq kodeksiniń 273-baby boıynsha terorızm aktisi týraly jalǵan habarlaý úshin bes myń aılyq eseptik kórsetkishke deıin aıyppul salý, túzetý jumystary, bes jylǵa deıin bas bostandyǵynan aıyrý nemese shekteý jazasy qarastyrylǵan. Sonymen qatar, jalǵan terrorıster oqıǵa ornyna jedel qyzmetterdiń shyǵyndaryn tolyǵymen óteýge mindetti.
QR İİM málimeti boıynsha, sońǵy 5 jylda jalǵan terorızmge qatysy bar degen kúdikpen 290 adam ustalyp, onyń 258-i qylmystyq jaýapkershilikke tartyldy.
2023 jyly Almaty áýejaıynda "mınalanǵan" degen jalǵan habar túsip, keıinnen bul qońyraýdyń 14 jastaǵy bala tarapynan jasalǵany anyqtaldy. Jasóspirimniń jaýapsyz áreketi úshin onyń ata-anasy jaýapqa tartyldy.
Aıta ketý kerek, jalǵan terorızm úshin qylmystyq jaýapkershilik 14 jastan bastalady.