2025 jylǵy 28 naýryzda Almaty qalasyndaǵy №2 Almaty memlekettik gýmanıtarlyq-pedagogıkalyq kolejinde «Stýdenttik teatr – quqyqbuzýshylyqtyń aldyn alý faktory» taqyrybynda qalalyq ádistemelik semınar ótti. Bul týraly aqshamnews.kz habarlaıdy.
Semınardyń maqsaty – kolejdiń stýdenttik teatrdy damytýdaǵy tájirıbesin taratý jáne stýdentterdi teatr qyzmetine tartýdyń tıimdi ádisterin talqylaý.
Semınarǵa Almaty qalasynyń bilim berý basqarmasynyń jańa tehnologıalar boıynsha qalalyq ǵylymı-ádistemelik ortalyǵynyń, tehnıkalyq jáne kásiptik bilim berý bóliminiń ókilderi, sondaı-aq qaladaǵy memlekettik jáne jekemenshik kolejderdiń tárbıe jumysy jónindegi dırektordyń orynbasarlary qatysty. Barlyǵy 80 adam.
Kolej dırektory B. Dýanabaeva óz sózinde stýdenttik teatrdyń jastardyń adamgershilik qundylyqtary men áleýmettik jaýapkershiligin qalyptastyrýdaǵy mańyzdy rólin atap ótti.
Tárbıe jumysy jónindegi dırektordyń orynbasary I.S. Shelaeva «Stýdenttik teatr – quqyqbuzýshylyqtyń aldyn alýdaǵy tıimdi qural» atty baıandamasynda stýdentterdi quqyqtyq sana men devıantty minez-qulyqtyń aldyn alýǵa baǵyttalǵan teatr qyzmetine tartýdyń tabysty tájirıbelerin tanystyrdy.
Semınar baǵdarlamasynyń negizgi bóliginde stýdenttik teatrlar óz qoıylymdaryn usyndy:
-
«Dem» teatry – «Gaýhartas» qoıylymynan úzindi. Teatr jetekshisi: Ahmetova A.M.
-
Forým-teatr – «Jalǵyzdyń úni shyqpaıdy» qoıylymynan úzindi. Teatr jetekshisi: Mýsataeva R.K.
-
Lıngvısıkalyq teatr – «Klara Setkın» qoıylymynan úzindi. Teatr jetekshisi: Kablanov S.A.
Semınar «Ashyq mıkrofon» formatynda aıaqtalyp, qatysýshylar óz áserlerimen bólisip, ózekti máselelerdi talqylap, stýdenttik teatrdy damytýǵa qatysty jańa ıdeıalar usyndy.
Qalalyq ádistemelik semınar teatr óneriniń bilim berý prosesindegi mańyzdylyǵyn jáne onyń jastardyń minez-qulyq mádenıeti men azamattyq ustanymyn qalyptastyrýǵa áserin rastady.
Semınar týraly tolyq aqparatty kolejdiń resmı saıtynan tabýǵa bolady.