Qarjy naryǵyn retteý jáne damytý agenttigi (QNRDA) bank kartalaryn shyǵarý men paıdalanýǵa qatysty jańa talaptar engizetinin jarıalady. Bul erejeler qarjy pıramıdalary men alaıaqtyq áreketterdi boldyrmaýǵa baǵyttalǵan, dep habarlaıdy aqshamnews.kz
Kimderge shekteý qoıyldy?
-
18-21 jas aralyǵyndaǵy jastar – onlaın tólem kartasyn ala almaıdy. Olar endi tek bank bólimshesine baryp kartany rásimdeı alady.
-
Shetel azamattary – bank kartasyn alý tártibi kúsheıtiledi. Bankter olardyń zańdy túrde elde bolýyn tekserip, kartany shyǵarady.
-
Qarjy pıramıdalary men dropperler – kúmándi operasıalardy anyqtaǵan bankter kartalardy buǵattaıdy.
Qandaı ózgerister engiziledi?
Sheteldikter úshin:
-
Kartany onlaın nemese ókil arqyly alý múmkin bolmaıdy.
-
Klıent aıyna keminde bir ret eki faktorly sáıkestendirýden ótýi kerek.
-
«Bir tólem kartasy – bir adamǵa» qaǵıdasy engiziledi.
-
Kartany ashqan alǵashqy úsh aıda tranzaksıalar qatań baqylaýda bolady.
Qarjy pıramıdalary men dropperlerge qarsy:
-
Bir IP mekenjaıy men telefon nómirin birneshe klıent paıdalansa, bank olardy tekserip, kúmándi kartalardy buǵattaıdy.
-
Ádetten tys geolokasıa, IP nemese qurylǵy qoldanylǵan jaǵdaıda, sharalar qoldanylady.
-
Kúmándi operasıalar úshin kartalardy paıdalanǵan tulǵalarmen qarjylyq baılanys ornatylsa, shekteýler engiziledi.
Nesıe alý týraly:
-
Eger siz alǵash ret nesıe alǵyńyz kelse, ony onlaın rásimdeý múmkin bolmaıdy. Mindetti túrde bank nemese MQU keńsesine barý kerek.
Bul ózgeristerdiń maqsaty qarjy pıramıdalary men alaıaqtyq áreketterdi azaıtýǵa baǵyttalǵan. Bankter endi kúmándi operasıalardy jasandy ıntellekt arqyly qadaǵalaıdy.