Almatyda sottalǵandarǵa medısınalyq kómek kórsetý máselesi talqylandy

Almaty qalasy boıynsha qylmystyq-atqarý júıesi departamenti №72 mekemesinde sottalǵandardy ustaý rejımin tıisti qamtamasyz etý, olardy densaýlyq saqtaý organdarynyń medısınalyq mekemelerine aparý kezinde tótenshe jaǵdaılarǵa jol bermeý maqsatynda medısına mamandarynyń qatysýymen dóńgelek ústel ótti, – dep habarlaıdy Almaty -akshamy. kz Polisia. kz-ke silteme jasap.
Dóńgelek ústelge QAJD basshylyǵy jáne Almaty qalasy qoǵamdyq densaýlyq saqtaý basqarmasynyń bólim basshysy L.Imagalıeva, №24 qalalyq emhana basshysynyń mindetin atqarýshy M.Alıeva, №4 qalalyq aýrýhana basshysynyń orynbasary N.Bıkonýrov, ortalyq qalalyq klınıkalyq aýrýhana basshysynyń orynbasary Ǵ.Tirmahanov, №7 qalalyq klınıkalyq aýrýhanasynyń neırohırýrgıalyq bóliminiń meńgerýshisi I.Kýrmaev qatysyp, atalǵan mekemede ustalatyn sottalǵandarǵa kómek kórsetý jáne olarǵa medısınalyq kómek kórsetý úshin respýblıkanyń basqa óńirlerine jiberý faktileri talqylandy. Sondaı-aq bilikti medısına mamandary sottalǵandardy mekeme aýmaǵynda qaraý úshin dárigerlerdi shaqyryp, naýqastardy qaladaǵy densaýlyq saqtaý organdarynyń medısınalyq mekemelerine aparý sanyn azaıtý máselesin de talqylap, sottalǵandardy jaza óteý oryndarynda emdeý týraly oılaryn ortaǵa saldy. Densaýlyq saqtaý oryndarynda sottalǵandarǵa tirkelgen jeri boıynsha, ıaǵnı QAJ mekemesiniń ornalasqan jeri boıynsha medısınalyq kómek kórsetý, qalalyq aýrýhanalarda sottalǵandarǵa arnaıy palatalar qarastyrý, dıspanserlik esepte turǵan arnaıy kontıngentterdiń ýaqytyly medısınalyq tekseristen ótýi sıaqty máseleler de mamandar talqylaýynan tys qalǵan joq. Dóńgelek ústel barysynda osyndaı iskerlik kezdesýlerdi aldaǵy ýaqytta da jıi uıymdastyryp, birigip qyzmet kórsetý kelisildi.