Qazaqstanda alǵash ret, onyń ishinde arý Almatyda ALMATY CIRCUS FESTIVAL I-shi Halyqaralyq sırk óneri festıvali úlken tabyspen ótti. Bul mádenı shara bıylǵy jazdyń eń jarqyn oqıǵasy boldy, dep habarlaıdy almaty-akshamy.kz
Kórermender aldynda tek Qazaqstannan ǵana emes, Germanıa, Vetnam, Efıopıa, Iakýtıa, Ýkraına, Belarýs, Reseı, Ulybrıtanıa, Lıtva, Chehıa, Ózbekstan, Qyrǵyzstan jáne Tájikstannan kelgen ártister óner kórsetti. Qazaqstandyq ártister "Qurmet" ordeniniń ıegeri Qanatbek Kúnǵojınov jetekshilik etken "Nomad" atty akrobatıkalyq nómirdi – keremet sırk spektaklin usyndy. Bul nómirdiń biregeıligin qazaqstandyq aýdıtorıa da, sheteldik ártister de joǵary baǵalady. Nátıjesinde otandyq ártister Gran-prı men kúmis júldeni (Adlet Tıkanovtyń jetekshiligimen "Qos dińgektegi akrobattar" nómiri bar "Hassak" toby) jeńip alyp, ózderin búkil álemge tanytty, al sheteldik qatysýshylar ózderi úshin Qazaqstan men qazaqstandyq kórermendi ashty.
Altyn júldeni Vetnamnan ("Moment Of Love" nómiri bar áýe gımnasttary) jáne Reseı Federasıasynan (Roman Romanovtyń jetekshiligimen Iakýtıadan kelgen jonglerler trıosy jáne Sergeı Soprykınniń jetekshiligimen taqtaıshalardaǵy akrobattar) kelgen sırk ártisteri ıelense, Qazaqstandyq ónerpazdardan ózge kúmis júldeni Ózbekstandyq sırkshiler (Rýstam Hametovtyń jetekshiligimen arqanmen júretin "Perǵaýyn" nómiri) jáne Vetnamdyq ártister (Chý Thı Han Hýen "qylyshpen áýe tepe-teńdigi", jetekshisi Tong Toan Tang) ıelendi, al qola júldemen Germanıadan,(týrnıktegi akrobattar Sergeı jáne Olga Rokashkovtar), Belarýstan (Egor Kovalenko), Tájikstannan ("Arıı táji" - Almasqon Ilásovtyń basshylyǵymen pershterdegi ekvılıbrıser) jáne Lıtvadan (Alekseı Teslın) kelgen ártister marapattaldy. Barlyq qatysýshylar rtúrli janrdaǵy qyzyqty biregeı nómirlerdi usyndy.
Nómirlerdiń árqaısysy sırk festıválderine baǵa berýdiń halyqaralyq júıesi boıynsha baǵalandy. Qazylar alqasy eki parametr boıynsha 0-den 10-ǵa deıin upaı berdi: 10 upaı – sheberlik úshin eń joǵary upaı, al qalǵan 10 upaı-sheberlik, sulýlyq jáne estetıka úshin eń joǵary upaı. Bir júrıden ártistiń alatyn eń joǵary baly – 20 bal. Bul baǵalaý júıesi barlyq álemdik sırk alańdarynda qoldanylady. Eń kóp upaı jınaǵan ártis Gran-prı jeńip alady. Sondaı-aq, festıválde úsh júldeli oryn belgilendi (birinshi, ekinshi jáne úshinshi). Al sheteldik sırk alańdarynda qosymsha nomınasıalar boıynsha arnaıy syılyqtar daıyndaldy.
Qazylar alqasynyń quramyna halyqaralyq sırk alańdarynyń ókilderi endi. Al festıváldiń bas rejıseri Reseıden arnaıy shaqyrylǵan sarapshy,Ýdmýrt Respýblıkasynyń Halyq ártisi Elena Petrıkova boldy.
"Bul – Almaty qalasynda ákimdiktiń qoldaýymen ótken alǵashqy Festıvál jáne bul - Almaty men Qazaqstan úshin óte úlken qadam jáne úlken jetistik. Festıválge qazylyq etýge sırk óneriniń asqan daryndary, álemdik sırk óneriniń kórnekti qaıratkerleri shaqyryldy. Sondaı-aq ǵajap sırk nómirleri usynyldy. Men júldegerlerdi tańdaýǵa qatysqan joqpyn, bul Qazaq memlekettik sırki komandasynyń eńbegi", - dedi Elena Petrıkova.
Almaty CIRCUS FESTIVAL qatysýǵa ótinimderdi qabyldaýdyń alǵashqy kúnderinde álemniń túkpir-túkpirinen keremet ótinimder tústi. Joba rejıserleriniń aldynda kúrdeli tańdaý boldy. Qazaq memlekettik sırkiniń bas rejıseri Marına Maratqyzy festıválge qatysýshylardy tańdaǵanda, birinshi kezekte rejıserlik top olardyń sheberligine, ártistigine, jańalyǵyna nazar aýdardy. Buryndary Almatydaǵy sırk manejinde usynylmaǵan nómirler tańdaldy.
Aıta keterligi, qazylar alqasy festıváldi uıymdastyrýdyń sapasyn da erekshe baǵalady. Sırk shoýlarynyń qoıýshy-rejısseri Antonıo Djarolanyń aıtýynsha, ǵımarattyń ınfraqurylymy men maneji sırk ártisteri úshin barlyq halyqaralyq talaptarǵa sáıkes boldy.
"Biz Qazaqstanda bolǵanymyzǵa jáne osyndaı úlken shoýdy tamashalaǵanymyzǵa qýanyshtymyz. Sırk ǵımaratynyń arhıtektýrasynyń ózi erekshe jáne biz úshin osyndaı mańyzdy tarıhı arenada óner kórsetý úlken mártebe. Tehnıkalyq qamtamasyz etý, jaryq jáne dybystyq jabdyqtar basqa álemdik alańdardan kem túspedi. Mundaı festıváldar óte mańyzdy! Olar ártisterge sheberlikti kórsetip qana qoımaı, baı mádenıetpen almasýǵa yqpal etedi", - dedi Antonıo Djıarola.