Jospardan tys tekserý nátıjesinde menshik ıesiniń (jeke tulǵa) ruqsat qujattary bolmasa da ǵımarat salǵany anyqtaldy.
Aıta keteıik, 2023 jylǵy 28 naýryzda basqarma menshik ıesine qatysty ÁQBtK-niń 316-baby 1, 321-bóligi boıynsha sharalar qabyldady jáne jol berilgen buzýshylyqtardy joıýǵa nusqama berdi. Menshik ıesi nusqamany oryndamaǵandyqtan, Basqarma Almaty qalasynyń Naýryzbaı aýdandyq sotyna súrýge talap aryz berdi.
2023 jylǵy 9 qarashada Almaty qalasy Naýryzbaı aýdandyq sotynyń sheshimimen talap-aryz qanaǵattandyryldy, 2024 jylǵy 7 aqpanda Almaty qalalyq soty sot sheshimin ózgerissiz qaldyrdy.
Menshik ıesi Almaty qalasy Ádilet departamentiniń sot oryndaýshylarymen birge nysandy erikti túrde buzýdy bastady.
Aıta keteıik, buǵan deıin Almaty ákimi Erbolat Dosaev zańsyz qurylysty baqylaýdy kúsheıtýdi tapsyrǵan bolatyn.
Jalpy, qalada talap-aryz qoıý qyzmetiniń nátıjesi boıynsha ótken jyldan bastap 32 zańsyz nysan tolyǵymen nemese jartylaı buzyldy. Atap aıtsaq, bıznes-ortalyq, meıramhana, qosalqy ǵımarat pen avtoservıs, sondaı-aq Mechta jáne KHAN sıaqty iri turǵyn úı keshenderi.