Halyqaralyq avtomobıl júkterin úshinshi elderge/elderden tasymaldaýǵa ruqsat blankilerin berý prosesi jeńildetildi
Esterińizge sala keteıik, 13 sáýir kúni sıfrlyq ruqsat blankisin paıdalana otyryp, alǵashqy mashına Qazaqstan men Ózbekstan shekarasyn kesip ótti, dp habarlaıdy Almaty-akshamy.kz Kólik mınıstrligine silteme jasap.
Osylaısha, búgingi tańda 780 elektrondyq blank berilgen. Aıta keterligi, mundaı ınovasıalyq sheshimder logıstıkalyq prosesterdi edáýir jeńildetip, júk tasymalyn tıimdirek etedi, sonymen qatar alypsatarlyq problemalaryn aldyn alýǵa kómektesedi dep kútilýde.
Máselen, osy jyldyń sáýir aıynda «Qazaqstan Respýblıkasy ratıfıkasıalaǵan halyqaralyq sharttarǵa sáıkes Qazaqstan Respýblıkasynyń tasymaldaýshylaryna shet memlekettiń aýmaǵy arqyly ótýge ruqsat berý «Memlekettik qyzmet kórsetý jónindegi pılottyq jobany iske asyrý týraly» birlesken buıryq kúshine endi. Atalǵan buıryq negizinde júkterdi tasymaldaýǵa arnalǵan úshinshi elderge/elderden tasymaldaýǵa ózbekstandyq ruqsat blankileri elektrondyq formatqa aýystyryldy.
Otandyq tasymaldaýshylarǵa elektrondyq ruqsattar berýge ótinishterdi qabyldaýdy QR Qarjy mınıstrligi Memlekettik kirister komıtetiniń aýmaqtyq organdary CarGoRuqsat elektrondyq kezeginiń avtomattandyrylǵan júıesi arqyly júzege asyrady.
Ol úshin tómendegi qujattardyń bolýy shart:
1) elektrondyq kezek júıesinde tirkelý;
2) kólik quraldaryna arnalǵan qujattar;
3) sheteldik ruqsatty qoldaný arqyly/qoldanýsyz ruqsat kýáligi;
4) kólik qozǵalysyna beriletin ruqsat kartochkalary;
5) QR aýmaǵynan shyqqany úshin alym somasyn búdjetke tóleý.