Reseıden kelgen tasqyn sýynyń 80 mln tekshe metri Batys Qazaqstan oblysynyń Qamys-Samar kólderine jiberildi.
Aıta keteıik, bul kólderge sońǵy 20 jyl boıy sý barmaǵan.
Tasqyn sýyn kólder júıesine jiberý jumysyn jergilikti «Qazsýshar» fılıalynyń mamandary júrgizýde, dp habarlaıdy Almaty-akshamy.kz QR TJM-ge silteme jasap.
Qamys-Samar kólderi kıikter men basqa da janýarlardyń kóshý jolyndaǵy tabıǵı sýat kózi bolyp tabylady.
Batys Qazaqstan oblysyndaǵy sýdyń negizgi kózi - Jaıyq ózeni. Atalǵan ózen arqyly kelgen tasqyn sýy sý resýrstary jáne ırrıgasıa mınıstrliginiń «Qazsýshar» mekemesine tıesili Jaıyq-Kóshim sýarý-sýlandyrý júıesinde jınalady.
«Sonymen qatar, «Qazsýshar» mamandary sońǵy jyldary keýip qalǵan Edilsor, Jaltyrkól, Birqazan, Sorkól, Saltanat jáne basqa da sý aıdyndaryna sý jibere bastady. Sondaı - aq, Balqash kóline, Kaspıı teńizine sý jiberý jumysy jalǵasyp jatyr», - dedi sý resýrstary jáne ırrıgasıa mınıstrliginiń resmı ókili Móldir Ábdýalıeva.