Almatynyń qala qurylysyn baqylaý basqarmasy ál-Farabı dańǵyly, 101 mekenjaıyndaǵy penthaýsqa qosymsha salynǵan ǵımarattardy buzý týraly habarlaıdy.
Elıtalyq turǵyn úı ıesi (jeke tulǵa) óz páteriniń aınalasyna ruqsat qujattarynsyz qosymsha ǵımarattar turǵyzdy.
Basqarma nysan boıynsha jospardan tys tekserýlerdi birneshe ret bastady, biraq menshik ıesi habarlama alýdan bas tartqan. Esterińizge sala keteıik, QR Kásipkerlik kodeksine sáıkes tekserý sýbektisine jospardan tys tekserý taǵaıyndaý týraly aktini tapsyrǵan kezde ǵana bastalýy múmkin.
Basqarma Bostandyq aýdandyq sotyna jalpy aýdany 150 sh. m. penthaýsqa japsarjaıdy buzý týraly talap aryz berdi.
Bostandyq sotynyń 2023 jylǵy 13 qańtardaǵy sheshimimen basqarmanyń buzý týraly talaby qanaǵattandyryldy.
Byltyr 11 sáýirde Almaty qalalyq soty birinshi satyly sottyń sheshimin ózgerissiz qaldyrdy.
Menshik ıesi zańsyz turǵyzylǵan qurylysty buzýǵa Almaty qalasy Ádilet departamentiniń sot oryndaýshylarymen birge erikti túrde kiristi.