10 aıda 103 myńnan astam neke tirkelgen, al 2024 jyldyń basynan beri 40 myń jańa otbasy quryldy.
Neke sany boıynsha Almaty, Astana jáne Shymkent qalalary kósh bastap tur, dep habarlaıdy Almaty-akshamy.kz Elorda.info-ǵa silteme jasap.
Sondaı-aq, 2023 jyldyń shildesinen bastap elimizdiń 328 myń azamatynyń týýy tirkeldi.
Qazirgi tańda «Azamattarǵa arnalǵan úkimet» Astanada, Qaraǵandyda, Almatyda jáne Qostanaıda nekeni saltanatty túrde tirkeıdi jáne bul qyzmetti basqa qalalarda engizýdi josparlap otyr.
Sonymen qatar, balanyń týýyn saltanatty tirkeýdi engizý josparlanýda. Qazirdiń ózinde týý týraly kýálikterdi jetkizý jáne olardy ata-analaryna tikeleı perzenthanalarda tabystaý boıynsha Astananyń medısınalyq mekemelerimen kelissózder júrgizilip jatyr. Elordadaǵy pılottyq joba suranysqa ıe bolǵan jaǵdaıda, joba aýqymy keńeıetin bolady.
2023 jylǵy 1 shildede «Azamattarǵa arnalǵan úkimetke» azamattyq hal aktilerin tirkeý fýnksıalary berilgen bolatyn.