Týrızm jáne sport mınıstri Ermek Marjyqpaev jýyrda ǵana álem chempıony atanǵan grosmeıster Qazybek Nógerbekpen kezdesip, jeńisimen quttyqtady, dep habarlaıdy Almaty-akshamy.kz 24.kz-ke silteme jasap.
«Bul – otandyq shahmat sportyndaǵy tarıhı oqıǵanyń biri. Óıtkeni 1998 jyly jasóspirimder arasyndaǵy álem birinshiliginde Dármen Sádýaqasov bas júldege ıe bolǵan edi. Endi, mine, araǵa 26 jyl salyp taǵy bir otandasymyz álem chempıonatynyń tuǵyryna kóterildi. Jarysta top jarý jerlesimizge ońaıǵa soqpaǵany anyq. Soǵan qaramastan jeńiske degen erik-jiger men shynaıy patrıotızmniń jarqyn úlgisin kórsetken búkil komandaǵa alǵys bildiremin», - dedi Ermek Marjyqpaev.
Aıta keteıik, Qazybek Úndistandaǵy 20 jasqa deıingiler arasyndaǵy dúnıejúzilik dodada baq synady. Baıraqty básekege bas-aıaǵy 123 qatysýshy jınaldy. Onyń ishinde 13 grosmeıster men 28 halyqaralyq sheberler bar. Aralarynan qazaqstandyq Qazybek Nógerbek sýyrylyp alǵa shyqty. Ol 11 týrda 8,5 upaı jınady. Qazybek osydan 2 jyl buryn Grekıada ótken 18 jasqa deıingiler arasyndaǵy álem chempıonatynda da rapıd pen blıs baǵyttary boıynsha jeńimpaz atanǵan bolatyn.