Fors-majorlyq jaǵdaılar týraly kýálik alýǵa bolady
Almaty qalasynyń Kásipkerler palatasynyń dırektory Aıtýar Qoshmambetov Óńirlik komýnıkasıalar qyzmeti alańynda zardap shekken bıznesmenderdiń qaısysy keltirilgen zalaldy óteı alady, nesıeler men salyqtar boıynsha keıinge qaldyryla ma, joq pa, sony aıtyp berdi, dep habarlaıdy Almaty-akshamy.kz.
Qoshmambetovtyń aıtýynsha, zardap shekken shaǵyn jáne orta bıznes kásipkerleri zalaldy óteýge úmittene alady. «Sheshim árbir naqty jaǵdaıda ázirlenip jatqan úkimettik qaǵıdalar negizinde qurylǵan komısıalardyń qaraǵan qorytyndylary negizinde qabyldanatyn bolady», - dep atap ótti spıker.
Ol Almaty qalasynyń Kásipkerler palatasyna Jibek joly kóshesi, 135 (Amangeldi k-siniń qıylysy) 2-shi blok, 8-shi qabat meken-jaıy boıynsha habarlasyp, fors-majorlyq jaǵdaılar týraly kýálik alýǵa bolatynyn atap ótti.
Nesıeler men salyqtyq tólemder boıynsha merzimdi uzartýǵa qatysty Aıtýar Qoshmambetov mynany túsindirdi: «Salyqtyq tólemder boıynsha másele qazirgi ýaqytta QR Úkimeti deńgeıinde qarastyrylýda. Budan basqa, Qarjy naryǵyn retteý jáne damytý agenttigi 2022 jylǵy 10 qańtardaǵy buıryqpen tótenshe jaǵdaıdy engizý nátıjesinde zardap shekken jeke jáne zańdy tulǵalardy qoldaý sharalaryn bekitti. Qujatqa sáıkes kredıttik uıymdar TJ kezinde onyń qarjylyq jaı-kúıiniń nasharlaýynyń nemese keltirilgen zalaldyń obektıvti sebepteri bolǵan kezde qaryz alýshynyń banktik qaryz nemese mıkrokredıt sharttary boıynsha negizgi borysh pen syıaqy boıynsha tólemderdi toqtata turady».
Kásipker obektiniń bos turyp qalýy kezinde qyzmetkerlerdiń jalaqysy boıynsha shyǵyndardy zalal somasyna qosýǵa bola ma degen suraqqa spıker shyǵystardyń osy baby bıznestiń toqtap turýyna baılanysty, mysaly, tez buzylatyn ónimder úshin shyǵyndar jáne jalǵa alý shyǵystary sıaqty zalal retinde eseptelmeıtinin atap ótti. Jaldaý aqysy máseleleri boıynsha daýlardy retteý úshin kásipkerlerge aýdandyq komısıaǵa óz betinshe ótinish berý usynylady, ol zalal anyqtalǵannan keıin sheshim qabyldap, qorytyndy beredi.