SHOB sektorynda 972,1 myń adam jumyspen qamtylǵan — Almatyda jumyspen qamtýdyń jalpy deńgeıiniń 90%
Shaǵyn jáne orta bıznes Almatynyń ekonomıkalyq damýynda sheshýshi ról atqarady ári qala ekonomıkasynyń negizin qalyptastyryp, onyń turaqtylyǵyn qamtamasyz etedi. Bul týraly Almaty qalasynyń Ekonomıka basqarmasynan habarlady.
2024 jyldyń qorytyndysy boıynsha SHOB sýbektileriniń ónim shyǵarý kólemi ótken jylmen salystyrǵanda 13,9% - ǵa ulǵaıyp, 24,9 trln teńgeni qurady. Qalanyń jalpy óńirlik ónimindegi SHOB úlesi 60,3% - ǵa jetti, bul eldegi eń joǵary kórsetkishterdiń biri bolyp tabylady.
SHOB sektory jumyspen qamtýdyń basty kózi bolyp qala beredi: 2024 jyly onda 972,1 myń adam jumyspen qamtyldy, bul Almatydaǵy jumyspen qamtýdyń jalpy deńgeıiniń 90% -yn quraıdy. 2025 jylǵy 1 mamyrdaǵy jaǵdaı boıynsha qalada belsendi jumys isteıtin bıznes sýbektileriniń sany 378,9 myń birlikke jetti, bul aǵymdaǵy jyldyń basymen salystyrǵanda 7,4% - ǵa artyq.
2025 jylǵy sáýirde Almatyda respýblıkadaǵy eń joǵary iskerlik belsendilik tirkeldi: iskerlik belsendilik ındeksi 57,9% -dy qurady.
Aǵymdaǵy jyly shaǵyn jáne orta bıznesti qoldaýǵa 70 mlrd teńge bólindi, onyń ishinde 52,8 mlrd teńge — jergilikti búdjetten nemese 2024 jylmen salystyrǵanda 2,5 ese kóp.
Almaty kásipkerlikti damytý úshin qolaıly jaǵdaılar jasaýdy jalǵastyryp, qalanyń iskerlik bastamashylyq pen ornyqty ekonomıkalyq ósý ortalyǵy retindegi mártebesin nyǵaıtýda.