Almatylyq polısıa 45 mln teńgeden astam qarajatty aınaldyrǵan dropperlerdi ustady, - dep habarlaıdy aqshamnews.kz Polisia.kz-ke silteme jasap.
Almaty qalasynda polıseıler ınternet-alaıaqtyq áreketteri boıynsha júrgizilgen arnaıy operasıa nátıjesinde eki kúdiktini ustady. Olardyń biri – elimizge qylmystyq maqsatpen kelgen shetel azamaty. Tergeý barysynda anyqtalǵandaı, bul adamdar alaıaqtyq jolmen azamattardyń bank kartalarynan urlanǵan qarajatty qolma-qol aqshaǵa aınaldyrýmen aınalysqan. Kúdiktiler kóleńkeli ınternet-arnalardaǵy kýratorlardyń tapsyrmalaryn oryndap, bankomattardan iri kólemde aqsha sheship, onyń belgili bir paıyzyn syıaqy retinde alyp otyrǵan. İzin jasyrý úshin olar túrli tásilderge, sonyń ishinde syrtqy kelbetterin ózgertýge deıin barǵan. Quqyq qorǵaýshylar qylmystyq áreketten alynǵan qarajattyń bir bóligin tárkilep úlgerdi. Tergeý barysynda olardyń ózge de qylmystyq epızodtarǵa qatystylyǵy anyqtalýda. Aldyn ala málimet boıynsha, qysqa merzim ishinde kúdiktiler 45 mln teńgeden astam qarajatty qolma-qol aqshaǵa aınaldyrǵan.
"Polısıa kıberqylmysqa qatysty qylmystyq tizbekterdi júıeli túrde áshkerelep, jolyn kesip keledi. Bul baǵyttaǵy jumystar úzdiksiz júrgizilýde. Taǵy bir eskerterimiz – eshqashan jeke derekterińizdi, bank kartasynyń kodtaryn beıtanys adamdarǵa bermeńiz. Olar ózderin bank nemese memlekettik organ qyzmetkeri retinde tanystyrsa da, mundaı aqparatty aıtý qaýipti. Eger siz alaıaqtyq áreketke tap bolsańyz, dereý polısıaǵa habarlasyńyz", dedi Almaty qalalyq polısıa departamenti kıberqylmysqa qarsy kúres basqarmasynyń bastyǵy Ánes Qaldybaev.