IýNESKO-nyń shtab-páterinde Nurǵısa Tilendıevke arnalǵan kórme ashyldy

Parıjde uly kompozıtor, dırıjer, Halyq qaharmany, qazaq mýzykasynyń zańǵar tulǵasy Nurǵısa Tilendıevtiń 100 jyldyq mereıtoıyna arnalǵan «Shabyt bastaýy: Nurǵısa Tilendıevtiń murasy» atty halyqaralyq kórmeniń saltanatty ashylýy ótti, dep habarlaıdy aqshamnews.kz

Asa kórnekti óner ıesiniń ǵasyrlyq mereıtoıy – tek qazaq halqy úshin ǵana emes, barsha órkenıetti álem úshin eleýli oqıǵa. Bul mańyzdy data IýNESKO tarapynan halyqaralyq deńgeıde atalyp ótetin mereıtoılar qataryna engizildi.

Atalmysh kórmede Almaty qalasyndaǵy Mýzeıler birlestiginiń qorynan alynǵan 70-ke jýyq qundy jádiger qoıylǵan. Olardyń qatarynda kompozıtordyń óz qolymen jazǵan partıtýralary, sırek fotosýretteri, jeke zattary, sondaı-aq Ahmet Jubanov syıǵa tartqan «Darıǵa dombyra» da bar.

Kórmeniń ashylý saltanatyna IýNESKO-ǵa múshe elderdiń elshileri, dıplomatıalyq mısıa ókilderi, halyqaralyq uıym qyzmetkerleri, Fransıa jurtshylyǵy men sonda turatyn qazaq dıasporasy qatysty. Kórme 19 maýsymǵa deıin jalǵasady.