Qaıyrbek Súleımenov «Qazaqstan halqyna» qory Qamqorshylyq keńesiniń tóraǵasy bolyp qaıta saılandy, dep habarlaıdy Almaty-akshamy.kz.
Qamqorshylyq keńes tóraǵasynyń ókilettik merziminiń aıaqtalýyna baılanysty, Qor Jarǵysynyń 5.6-tarmaǵyna sáıkes ashyq daýys berý nátıjesinde Qaıyrbek Súleımenov bir aýyzdan «Qazaqstan halqyna» qoǵamdyq qory Qamqorshylyq keńesiniń tóraǵasy bolyp qaıta saılandy.
Qaıyrbek Súleımenov - kórnekti memleket jáne qoǵam qaıratkeri, Halyq qaharmany, «Atameken» UKP Kásipkerlerdiń quqyǵyn qorǵaý jáne sybaılas jemqorlyqqa qarsy is-qımyl keńesiniń tóraǵasy. 2022 jyldyń qańtarynan bastap Qordyń Qamqorshylyq keńesiniń múshesi, 2022 jyldyń maýsymynda Qamqorshylyq keńestiń tóraǵasy bolyp saılandy.
Eske salsaq, Qamqorshylyq keńes - Qordyń joǵary basqarý organy jáne Qor qyzmetiniń jarǵylyq maqsattaryna sáıkestigin baqylaýdy júzege asyrady. Keńes Qor qyzmetiniń strategıalyq baǵyttary men onyń mindetterin aıqyndaıdy, búdjetti bekitedi, basqa da baqylaý jáne uıymdastyrý fýnksıalaryn júzege asyrady. Qamqorshylyq keńes músheleri óz qyzmetin qoǵamdyq negizde atqarady.