Óńirlik komýnıkasıalar qyzmetiniń brıfıńinde Almaty ındýstrıaldy aımaǵynyń dırektory Alısher Satybaldıev megapolıstegi ónerkásiptik parkterdiń damýy týraly aıtyp berdi, dep habarlaıdy Almaty-akshamy.kz
Shaǵyn ónerkásiptik parkter - bul shaǵyn jáne orta bıznes sýbektilerine bir sharshy metrine 1 350 teńge tirkelgen jaldaý mólsherlemesimen jáne úı-jaılardy odan ári satyp alý múmkindigimen jalǵa berý úshin komýnıkasıalary bar óndiristik úı-jaılar.
ÓKQ spıkeriniń málimetinshe, qazirgi ýaqytta Almatyda ınvestısıa kólemi 13,2 mlrd teńge jáne jalpy aýdany 133,2 myń sh.m. bolatyn, 2999 jumys ornyn quryp otyrǵan 29 shaǵyn ónerkásiptik park jobasy iske asyrylýda.
Onyń ishinde 24 SHÓP jobasy Almaty ındýstrıaldy aımaǵynyń aýmaǵynda ornalasqan. Investısıalardyń jalpy somasy - 7,95 mlrd teńge, aýdany - 78,4 myń sh.m., 2 575 jumys orny quryldy.
«Qalǵan 5 SHÓP Almaty qalasynyń aýmaǵynda ornalasqan. Investısıalardyń jalpy kólemi - 1,22 mlrd teńge, jalpy aýdany - 17,4 myń sh. m., 424 jumys orny quryldy», - dedi A. Satybaldıev.