Jetisý aýdandyq polısıa qyzmetkerleri múliktik qylmys jasady degen kúdikpen 30 jastaǵy er adamdy ustady, dep habarlaıdy Almaty-akshamy.kz Polisia.kz-ke silteme jasap.
«I.esimdi azamatqa qatysty QR QK-niń 188-baby 1-bóligi boıynsha qylmystyq is tergelip jatyr. Onyń dúkenge kirip, turmystyq hımıa zattary bar sórelerdiń janynda toqtap turǵany belgili boldy. Onda kúdikti kúrtesiniń ishine birneshe bótelke sýsabyn men basqa da taýarlardy jasyrǵan. Muny saýda alańynda ornatylǵan beınebaqylaý kameralary túsirip alǵan. Kúdikti birden óz isin moıyndady. Onyń jeke basy qalanyń basqa aýdandarynda osyǵan uqsas, buryn jasalǵan qylmysqa qatysy bar-joǵyna tekserilip jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.