Qolóner sheberleri daıyndaǵan turmystyq buıymdaryn qala qonaqtarynyń nazaryna usyndy
Almatyda Respýblıka kúni qarsańynda «Uly dala oıyndary» ulttyq festıvali ótti, dep habarlaıdy almaty-akshamy.kz.
Aıtý kerek, bul is-shara 2016 jyldan beri uıymdastyrylyp kele jatyr. Mádenı shara barysynda qala qonaqtary ulttyq oıyndardy tamashalap, qazaq halqynyń salt-dástúrimen de keńirek tanysty. Negizgi oıyndardan bólek, festıválge kelýshiler, sondaı-aq, qolóner sheberleri daıyndaǵan turmystyq buıymdardyń kórmesin tamashalady.
– Ulttyq sporty, salt-dástúrdi úlgi-ónege qylyp bárine dáripteý maqsatynda Almaty qalasy ákimdiginiń qoldaýymen is-sharalar ótip jatyr. Jamby atý, teńge ilý, sadaq atý, asyq oınaý, kúres, kókpar jáne báıge syndy ulttyq sport túrinen jarys ótedi , – dedi qalalyq báıge federasıasynyń prezıdenti Qýat Úsenov.
