Medısınalyq saqtandyrý qorynyń Almaty qalalyq fılıaly «ARDI» QQ bazasynda balalardy ońaltý, sonyń ishinde serebraldy sal aýrýyna shaldyqqan balalarǵa arnalǵan reabılıtasıa taqyrybynda baspasóz týryn ótkizedi, dep habarlaıdy Almaty-akshamy.kz.
Balalar arasyndaǵy múgedektik Qazaqstandaǵy ózekti máseleniń birine aınalyp otyr. Statısıkaǵa súıensek, elimizde 98,2 myńnan astam múgedek bala ómir súredi. Onyń 19 myńnan astamyna balalardyń serebraldy sal aýrýy degen dıagnoz qoıylǵan, dep málimdedi MSQ Almaty fılıalynyń baspasóz qyzmeti
Búginde medısına bul dertti tolyq emdep jazýǵa qaýqarsyz. Ortalyq júıke júıesindegi aqaý saldaryn sapaly reabılıtasıa men balanyń óz betinshe júrip-turý qabiletin damytý arqyly retteýge bolady.
Qazirgi tańda Almatyda serebraldy sal aýrýyna shaldyqqan balalardy ońaltýmen 12 medısına mekemesi aınalysady. 2023 jyl basynan beri 2700-den astam ońaltý sharasy júrgizilip, oǵan Qor tarapynan 652,2 mln teńge tólengen.
«ARDI» qoǵamdyq qory balalardy ońaltý men densaýlyqty qalpyna keltirýge baǵyttalǵan em-domnyń 3-shi kezeńi boıynsha qabyldaıdy. Bir aıta keterligi, Ortalyq áleýmettik baǵdar ustanady jáne balalardy MÁMS pen qala ákimdiginiń áleýmettik qorǵaý baǵdarlamalary negizinde emdeıdi.
Aıta keteıik is-shara 2023 jyldyń 15-maýsymynda Almaty qalasy, Núrpeıisov kóshesi, 2a mekenjaıynda "Ardı" QQ ótedi.