Úkimet otyrysynda Qarjy mınıstri Erulan Jamaýbaev memlekettik búdjettiń shyǵystary týraly aıtty, dep habarlaıdy Almaty-akshamy.kz.
«Memlekettik búdjettiń shyǵystary 98,5%-ke, respýblıkalyq búdjettiń shyǵystary – 98,8%-ke, jergilikti búdjetterdiń shyǵystary 98,9%-ke atqaryldy. Respýblıkalyq búdjet boıynsha somasy 9 trln teńgege shyǵystar júrgizildi. Atqarylmaý 109 mlrd teńgeni qurady, onyń ishinde 21 mlrd teńge - únemdeý. Igerilmegeni - 88 mlrd teńge. Igerilmeýdiń negizgi sebepteri: konkýrstyq rásimderdiń uzaq júrgizilýi; sharttardy, qosymsha kelisimderdi jasasý rásimderiniń uzaq júrgizilýi, búdjettik baǵdarlamalardy (kishi baǵdarlamalardy) iske asyrý jónindegi normatıvtik quqyqtyq aktilerdiń ýaqtyly qabyldanbaýy; oryndalǵan jumys aktileriniń, shot-faktýralardyń ýaqytyly usynylmaýy; esepti aıda qarajatty jumsaý qajettiliginiń bolmaýy», - dedi ol.
Sondaı-aq, mınıstr jergilikti búdjetterdiń shyǵystary 4,4 trln teńgeni quraǵanyn aıtty, dep jazdy Azattyq Ruhy.
«Atqarylmaǵany - 47 mlrd teńge. Bıyl óńirlerge 2 trln teńgege jýyq nysanaly transfertter kózdelgen. Olarǵa 1 maýsymǵa 641 mlrd teńge bólingen. Onyń 97,8%-i ıgerilgen. Igerilmegeni – 14 mlrd teńge. Eń kóp ıgerilmeý: Astana qalasynda, Qaraǵandy, Jambyl jáne Almaty oblystarynda qalyptasty», - dedi ol.