Marat Beketaev aldaǵy jyldyń josparyn tanystyrdy
QR Premer-Mınıstri Asqar Mamınniń tóraǵalyǵymen ótken Úkimet otyrysynda Ádilet mınıstri Marat Beketaev Úkimettiń zań jobalaý jumystarynyń aǵymdaǵy jylǵy josparynyń oryndalý barysy jáne Úkimettiń zań jobalaý jumystarynyń 2022 jylǵa arnalǵan josparynyń jobasy týraly baıandady, dep habarlaıdy Almaty-akshamy.kz Rrimeminister.kz-ke silteme jasap
«Úkimettiń zań jobalaý jumystarynyń eki myń jıyrma birinshi jylǵa arnalǵan jospary 25 zań jobasyn ázirleýdi jáne Parlament Májilisine engizýdi kózdeıdi. Qazirgi ýaqytta 25 zań jobasynyń 5-eýine Memleket basshysy qol qoıdy, 1-eýin Parlament qabyldady, 18-i Parlamenttiń qaraýynda, bir zań jobasy búgingi otyrysta qarastyrylyp, Parlamentke engiziledi», - dedi mınıstr.
Jyl barysynda josparǵa Úkimettiń 4 qaýlysymen túzetýler engizildi, 3 zań jobasy boıynsha Úkimet pen Parlamentke engizý merzimderi aýystyryldy.
Bul qoǵamdyq baqylaý, ınovasıalardy yntalandyrý jáne sıfrlandyrýdy damytý máseleleri jónindegi zań jobalary. Úsh zań jobasynyń ataýlary ózgertildi.
Jalpy, sońǵy jyldary jospardyń oryndalýy oń serpindi kórsetip otyr. Aǵymdaǵy jyly josparǵa qosymsha zań jobalaryn engizý boıynsha túzetýler bolǵan joq. 2021 jylǵa arnalǵan jospar tolyqtaı oryndaldy. Odan soń Marat Beketaev 2022 jylǵa arnalǵan jospar jobasy týraly aıtty.
Ádilet mınıstrligi Zań jobalaý qyzmeti máseleleri jónindegi vedomstvoaralyq komısıa múshelerimen 2022 jylǵa arnalǵan jospar jobasyn ázirledi.
Bastapqyda jospar jobasynda Parlamentke 31 zań jobasyn ázirleý jáne engizý qarastyrylǵan bolatyn Aǵymdaǵy jylǵy 10 qarashada jospar jobasyn tanystyrý barysynda josparlanǵan zań jobalarynyń negizgi erejeleri, sondaı-aq olardy ázirleý negizderi baıandaldy.
Usynylyp otyrǵan jospar jobasy Prezıdent Ákimshiliginiń eskertýlerimen pysyqtaldy. Atap aıtqanda, zań jobalaryn Parlamentke engizý merzimderi qaıta qaraldy, sondaı-aq tujyrymdamalary tıisti talqylaýdy talap etetin birqatar bastamalar alynyp tastaldy. Qalǵan bóliginde jospar jobasy ózgertilgen joq.
«Pysyqtalǵan jospar jobasy 26 zań jobasyn ázirleýdi kózdeıdi. Birinshi jartyjyldyqta – 7 zań jobasyn, ekinshi jartyjyldyqta – 19 zań jobasyn», - dep qorytyndylady ádilet mınıstri.