Eks-prezıdent Nursultan Nazarbaevtyń qyzy Álıa Nazarbaeva birqatar kásipkerdiń ústinen shaǵym túsirdi. Alaıda sot kásipkerlerdiń paıdasyna sheshildi, dep habarlaıdy almaty-akshamy.kz KazTAG -qa silteme jasap.
Álıa Nazarbaeva advokattary arqyly kásipker Nurlan Baımýrzın men seriktesi Medǵat Qalıevti reıderlik shabýyl jasady dep aıyptap, sotqa berdi. Ótken aptada sot quqyqbuzýshylyqtyń anyqtalmaýyna baılanysty isti toqtatý týraly sheshim shyǵardy.
Aıta keteıik, aqpan aıynda Medǵat Qalıev pen Nurlan Bımýrzın Bas prokýratýraǵa Álıa Nazarbaevany reıderlik áreketi úshin qylmystyq jaýapkershilikke tartýdy suraǵan edi.
Bizdi qoldaǵan janashyr azamattarǵa alǵysymdy bildiremin. Atyshýly esimderge qaramastan zańdy ári ádil sheshim shyǵarǵan sot júıesine erekshe alǵys aıtamyn. Aryzymyz 4 aı boıy bir organnan ekinshi organǵa jiberilgendikten, istiń ádil aıaqtalýyna kúmánmen qaradyq. Joǵarǵy Sot İshki ister mınıstrligine qaraǵanda eskiniń sarqynshaǵyn emes, zańdy basshylyqqa alatynyna kózimiz jetti. İshki ister mınıstrligi prosesýaldyq sheshim qabyldaý úshin Qarjylyq monıtorıń agenttigi jibergen ótinishti qaraıdy degen senimdemiz, – dedi Nurlan Baımýrzın.