Osyǵan baılanysty megapolıstiń turǵyndary men qonaqtarynan túsinistikpen qaraýdy jáne tynyshtyqty saqtaýdy suraıdy. Bul týraly Óńirlik komýnıkasıalar qyzmetiniń brıfıńinde QR Tótenshe jaǵdaılar mınıstrligi men Almaty qalasy Tótenshe jaǵdaılar departamentiniń ókilderi habarlady.
- 23 aqpanda Dúnıejúzilik azamattyq qorǵanys Kúni aıasynda saǵat 10:00-de Almatyda jalpy qalalyq seısmıkalyq jattyǵýlar ótkiziletin bolady.
- Almaty qalasy Tótenshe jaǵdaılar departamentiniń basshysy Nurlan Atyǵaev Tótenshe jaǵdaılar mınıstriniń ókimimen TJM jedel toby kelip, megapolıs turǵyndary men azamattyq qorǵanys qyzmetkerleri arasynda aýqymdy úgit-nasıhat jumystaryn bastaǵanyn atap ótti.
Seısmıkalyq jattyǵýdyń negizgi maqsaty qala turǵyndarynyń tótenshe jaǵdaılarda is-áreketke daıyndyq deńgeıin arttyrý bolyp tabylady, osylaısha turǵyndar evakýasıa marshrýttaryn, qaýipsiz oryndardy aldyn ala anyqtap, dabyl chemodandaryn daıyndaıdy. Elektr jelileri men ǵımarattardan alys ashyq alańdar qaýipsiz oryndar bolyp sanalady.
«Azamattyq qorǵaý týraly» Qazaqstan Respýblıkasy Zańyna sáıkes qala uıymdarynda obektilik seısmıkalyq jattyǵýlar toqsan saıyn ótkiziledi. Osy jyldyń 1 qańtarynan bastap josparly túrde 500 oqý-jattyǵýlar ótkizildi, onyń 191 seısmıkalyq daıyndyq bolyp tabylady. Bul jumystar jalǵasýda», - deıdi N.Atyǵaev.
- Jalpyqalalyq seımıkalyq jattyǵýǵa aldyn ala daıyndalý qajet. 21 aqpannan bastap telearnalar men radıoarnalarda habarlandyrý bastaldy, almatylyqtar oqý-jattyǵýǵa qatysty evakýasıalaý týraly habarlanatyn oblady.
- Seısmıkalyq jattyǵýlar ótkiziletin kúni saǵat 10.00de sırena elektr dabyldaryn qosý arqyly, tele-, radıoarnalardy avtomatty túrde qamtýymen qalalyq habarlandyrý júıesi iske qosylady.
QR Tótenshe jaǵdaılar mınıstrligi Tótenshe jaǵdaılardyń aldyn alý departamentiniń basshysy Rýstambek Amrın bul seısmıkalyq jattyǵýdyń respýblıkalyq ekenin atap ótti.
«Erteń búkil respýblıka boıynsha barlyq jerde osy is-shara ótkiziledi, onyń aıasynda sırena sıaqty dybys oınap, ózin-ózi evakýasıalaý elementteri retinde sıgnal alý elementteri pysyqtalatyn bolady. Bul barlyq jerde respýblıka boıynsha josparly túrde ótetin bolady. Bul jattyǵýlar toqsan saıyn ótkiziledi, bul zańmen bekitilgen. Tótenshe jaǵdaılar mınıstriniń tikeleı tapsyrmasy boıynsha biz Almaty qalasyna keldik. Shynynda da, seısmıkalyq jattyǵýlar kezinde bizde negizinen bilim berý, densaýlyq saqtaý obektileri, memlekettik mekemeler jumys isteıdi. Bul seısmıkalyq jattyǵýda biz turǵyn úı keshenderi, MIB, PIK sanatyna belsendi kóshemiz. Biz árbir azamatqa aqparatty jetkizýimiz qajet. Árıne, biz barlyq jaǵdalardy túsinemiz. Degenmende, taralyp jatqan aqparatpen tanysyńyz, vvıedorolıkterdi qarańyz, ondaǵy keńester eń aldymen sizge jáne jaqyndaryńyzǵa qajet», - dep túsindirdi spıker.
Seısmıkalyq jattyǵýlardyń jyldyń sýyq mezgilinde ótkizilýine baılanysty, TJD barlyq uıym basshylaryn, qala turǵyndarynan jyly kıinip evakýasıalanýdy suraıdy.
TJM jáne TJD qyzmetkerleri belsendi azamattyq ustanymy bar azamattardy, qoǵam ókilderin bıik turǵyn úı keshenderiniń podezd basqarýshylaryn tartý boıynsha turǵyn úılerdi aralaýdy belsendi júrgizýde. Qala turǵyndarynyń nazaryna jer silkinisi kezindegi birinshi kezektegi is-qımyldar jáne dabyl dorbasyn daıyndaý, halyqty qabyldaý pýnktterine deıin evakýasıalaý joldary týraly negizgi erejeler aıtylyp, túsindirilýde. Sonymen qatar, olarǵa «Whatsapp» messendjerleri arqyly turǵyndarǵa osy usynystardy taratý usynyldy. Qalada halyqty qabyldaýdyń barlyq 384 pýnkti is júzinde jumys isteıtin bolady.
Qutqarýshylar Almaty qalasynyń turǵyndary men qonaqtaryn belsendi qatysýǵa shaqyrady.
Esterińizge sala keteıik, Almaty 9-10 baldyq seısmıkalyq aımaqta ornalasqan. Qalada jyl saıyn 200-ge deıin álsiz, sezilmeıtin jer silkinisi bolady. Bul rette 2-den 4 balǵa deıingi jer silkinisi Almaty úshin fondyq rejım bolyp tabylady.
«Seısmologıalyq zertteýler men baqylaýlar ulttyq ǵylymı ortalyǵynyń boljamdy komısıasynyń málimetteri boıynsha qalada 7 jáne odan da kóp baldyq jer silkinisi kútilmeıdi. Sondyqtan ótkiziletin qalalyq seısmıkalyq jattyǵýlar jer silkinisi bolýy múmkin degen boljammen baılanysty emes», - dep qorytyndylady TJD-da.