QR Ulttyq ekonomıka mınıstrligi azyq-túlik satatyn úı janyndaǵy dúkenderdiń ústemeni asyra qosýy derekteri boıynsha tekserý tetigi qalaı iske asyrylatynyn túsindirdi, dep habarlaıdy Almaty-akshamy.kz.
«Bul tekserýler sanyna áser etpeıdi. Osy rette úlken derekterge taldaý jasaý arqyly, ıaǵnı sıfrlyq jolmen iske asyrylady. Atap aıtqanda, osyǵan deıin fıskaldyq organdar men Sıfrlyq damý, ınovasıalar jáne aeroǵarysh ónerkásibi mınıstrligi júrgizgen aýqymdy sıfrlandyrý eleýli áser etedi», - dedi Ulttyq ekonomıka birinshi vıse-mınıstri Tımýr Jaqsylyqov Senatta tilshiler suraǵyna jaýap bere otyryp.
Onyń aıtýynsha, túbirtekter men shot-faktýralarǵa taldaý jasalady.
«Olardyń negizinde qandaı saýda sýbektisiniń ústemeni asyra qosyp jatqany belgili bolady. Tekserýge eshkim kelmeıdi. Munyń bári avtomatty túrde jınalady, júıe ony eseptep, anyqtaıdy», - dedi vıse-mınıstr.