Memlekettik qyzmetkerler jumysqa qabyldanar aldynda psıhologıalyq testileýden óte me? Bul suraqqa Memlekettik qyzmet isteri agenttigi tóraǵasynyń orynbasary Salaýat Múksimov jaýap berdi, dep habarlaıdy almaty-akshamy.kz.
«Memlekettik qyzmet týraly ereje boıynsha ákimshilik memlekettik qyzmetker jumysqa qabyldanar aldynda irikteýden ótedi. Odan bólek memlekettik qyzmetkerdiń jeke basyna baǵa beriledi», - dedi Salaýat Múksimov OKQ-de ótken brıfıńide.
Onyń aıtýynsha, saıası memlekettik qyzmetkerlerge basqa ereje qoldanylady.
«Olarǵa talap basqa. Olar taǵaıyndalýy múmkin. Durysyn aıtqanda, saıası qyzmetkerlerdiń praktıkalyq tájirıbesi mol. Ásirese ákimshilik salasynda. Óz oıym, olar psıhologıalyq tekseristen ótti», - deıdi ol.