Almatydaǵy Ashyq jobasynyń arqasynda 28 sáýir men 15 tamyz aralyǵynda qalada «qyzyl» mártebesi bar 387 turǵynǵa aıyppul salyndy. Olardyń barlyǵy koronavırýs juqtyrǵan jáne oqshaýlaý rejımin buzǵan. Bul týraly Almaty qalasynyń bas sanıtarlyq dárigeri Jandarbek Bekshın Óńirlik komýnıkasıalar qyzmetiniń brıfıńi barysynda aıtty dep habarlaıdy almaty-akshamy.kz
Bas sanıtarlyq dárigerdiń aıtýynsha, Almatyda Ashyq jobasyna 6486 qatysýshy bar. Taǵy 5 541 nysan erikti túrde qatysýda. Ashyq kóshbasshylary - 105 nysan. Jaýapkershiligi tómen 362 qatysýshy jobadan shyǵaryldy.
Jandarbek Bekshın Ashyq buzýshy nysandar týraly keńinen aıtty.
«9-13 tamyz aralyǵynda monıtroıng toptary júrgizgen tekserýler kezinde Ashyq jobasynda jumys jasaıtyn kásipkerliktiń 23 sýbektileriniń shekteýli karantındik talaptardy buzǵany anyqtaldy, bul baqylaýdyń jetkiliksiz ekenin kórsetedi», - dedi megapolıstiń bas dárigeri.
Almatyda 29 shilde men 5 tamyz aralyǵynda Ashyq jobasy boıynsha jumys isteıtin kásipkerlik nysandardyń kireberisindegi skanerleý nátıjesinde 1239 turǵyn «qyzyl», 194 turǵyn «sary» mártebege ıe boldy.
Sonymen qatar, kelýshilerdi oflaın rejımde skanerleý boıynsha ákimshilik sharalar qoldanyldy. 9-15 tamyz aralyǵynda qalada «qyzyl» mártebesi bar 144 tulǵaǵa aıyppul salyndy.
28 sáýir men 15 sáýir aralyǵynda Almaty qalasynda «qyzyl» mártebesi bar 387 jeke tulǵaǵa oqshaýlaý rejımin buzǵany úshin 30 AEK mólsherinde aıyppul salyndy.