Almaty turǵyndary kóbinese koronavırýsty saýda nysandary men otbasylyq sharalarda, toılarda, mereıtoılarda jáne eske alý keshterinde juqtyrady.
Bul týraly Óńirlik komýnıkasıalar qyzmetiniń baspasóz konferensıasy barysynda qalanyń bas sanıtarlyq dárigeri Jandarbek Bekshın málimdedi, dep habarlaıdy Almaty-akshamy.kz
«Otbasylyq sharalarda juqtyrýdyń ósýi - 2,1%, saýda jáne oıyn-saýyq ortalyqtary men saýda úılerinde - 1,7%, azyq-túlik jáne azyq-túliktik emes dúkenderde - 1,2%, sýpermarketter men gıpermarketterde - 0,2%, qoǵamdyq kólikterde - 1,4%-ǵa, qoǵamdyq tamaqtaný oryndarynda - 1,1%-ǵa, basqa aımaqtarǵa barǵanda - 0,6%-ǵa, saýnalarda, fıtnes-ortalyqtarda - 0,1%», - dedi megapolıstiń bas sanıtarlyq dárigeri.
Jandarbek Bekshın nysandarda da juqtyrýdyń artqanyn, Ashyq jobasynyń qatysýshylary arasynda juqtyrý 200-den 407 adamǵa deıin óskenin, al, bul kireberistegi basqarý júıesiniń jetkiliksiz jumys jasaýy saldarynan ekenin aıtty.
Baspasóz konferensıasy kezinde sanıtarlyq-epıdemıologıalyq departament basshysy Almatydaǵy ınfeksıa juqtyratyn negizgi bes oshaqty atady.Olar: saýda obektileri - 35%, otbasylyq baılanys - 17,9%, qoǵamdyq kólik - 17,6%, bazarlar - 13%, otbasylyq sharalar (toılarda, mereıtoılarda, jerleýde) ınfeksıa deńgeıi 1,4-ten 3,5%-ǵa deıin kúrt ósti.
Jandarbek Bekshın Almaty turǵyndaryn úılený toılary men merekelerdi jasyryn ótkizbeýge shaqyrdy. Mundaı sharalardy uıymdastyrý ásirese keletin qonaqtardyń densaýlyǵy úshin óte qaýipti ekenin aıtty.
Aıta keterligi, monıtorıńtik top ókilderi jasyryn toılar men keshterdi qatań túrde toqtatýda. Jandarbek Bekshınniń 9-14 tamyz aralyǵynda 954 nysannyń tekserilgenin, 124 nysannyń karantın sharalaryn buzǵanyn aıtty. Bas sanıtarlyq dáriger qala turǵyndarynyń toıdy kúndiz, tipti jeke úılerde ótkize bastaǵanyn da atap ótti.