Bolashaqtyń energıasy.
2022 jyly jańa kún elektr stansıasy paıdalanýǵa beriledi, dep habarlaıdy Almaty-akshamy.kz. Qazaqtv.com caıtyna silteme jasap.
Bolashaqta «Jasyl» ekonomıkaǵa serpin bergen tyń bastama. Qaraǵandy oblysy, Balqash qalasyna qarasty Qońyrat eldi mekenindegi kún elektr stansıasynyń qurylysy aıaqtalýǵa jaqyn. Mamandardyń aıtýynsha, bul mekenniń klımaty balamaly qýat kózin óndirýge óte qolaıly. Munda 7 birdeı merdiger kompanıa jumys istep jatyr. Aýmaǵy 179 gektardy alyp jatqan alqapqa 94 myń kún paneli qoıylǵan. Bul panelderdiń ereksheligi eki jaǵy da kún sáýlesin birdeı qabyldaıtyndyǵynda. Stansıa saǵatyna 100 megavatt elektr energıasyn óndire alady. Qońyrat eldi mekenin elektr qýatymen qamtıtyn energıa kózi 2022 jyly paıdalanýǵa beriledi dep josparlanýda.
«Joba boıynsha metal qurastyrý jumystary júrgizilip jatyr. 80% aıaqtaldy jáne 3 tıpti kúshtik kabelder salyndy. Olardyń da 85% osy ýaqytta ornatylyp tur. Jumys qarqyny jaman emes. Jumys kúshi bar jáne qajetti teknıka da bar», dedi energetık Talǵat Bosalov.