Almatyda koronavırýs ınfeksıasy boıynsha epıdemıologıalyq ahýal ýshyǵyp tur. Bul týraly Óńirlik komýnıkasıalar qyzmetiniń baspasóz konferensıasy barysynda qalanyń bas sanıtarlyq dárigeri Jandarbek Bekshın málimdedi dep habarlaıdy almaty-akshamy.kz
Almaty qalasy bas sanıtarlyq dárigeri kúnine 1,5 myńǵa jýyq koronavırýs juqtyrǵan jaǵdaıdyń tirkeletinin aıtty.
«Bul jaǵdaı 28 shildeden bastap saqtalýda, 15 tamyzda 22 800 jaǵdaı tirkeldi. Tamyzda 24,3 myń jaǵdaı, jyl basynan beri - 105,6 myń jaǵdaı tirkeldi», - dedi J. Bekshın.
Sanıtarlyq-epıdemıologıalyq vedomstvo basshysy sońǵy aptada aldyńǵysymen salystyrǵanda «sımptomdy» naýqastar úlesiniń 93%-dan 94%-ǵa deıin óskenin atap ótti.
J. Bekshın Almaty turǵyndaryn qaýipti ınfeksıaǵa qarsy birigýge shaqyrdy.
«Men áleýmettik qashyqtyqty saqtaýǵa, maskalardy durys tǵaýǵa jáne olardy jıi aýystyrýǵa jáne vaksınalanýǵa shaqyramyn», - dedi megapolıstiń bas sanıtarlyq dárigeri.
Aıta keterligi, Eýropa qalalarynda adamdar vaksıanlardyń tapshylyǵynan kezekke turýǵa májbúr. Al, Almatyda ekpeni tipti saýda ortalyǵynyń ózinde aqysyz alýǵa bolady. Biraq bul múmkindikti qala turǵyndarynyń barlyǵy birdeı paıdalanbaı otyr. Sondyqtan juqtyrý burynǵydaı 20-39 jas aralyǵyndaǵy almatylyqtar arasynda - 35,6%, 40-59 jastaǵylar arasynda- 24,2% jáne 60 jastan asqandar arasynda - 23%, barlyq jaǵdaılardyń 83%-yn quraıdy.
J. Bekshın 60 jastan asqandardyń juqtyrý deńgeıiniń 1,5%-ǵa artqany jáne olardyń aýyr halde jetkiziletini jáne 1 jasqa deıingi sábılerdiń de dert juqtyratyny ózin alańdatatynyn aıtty.