Osy ıgi ister aǵymdaǵy jyly atqaryldy
Respýblıkamyzda 10 myń shaqyrym jolda qurylys jáne jóndeý jumystary júrgizildi, dep habarlaıdy Almaty-akshamy.kz
Bul jóninde Indýstrıa jáne ınfraqurylymdyq damý mınıstrligi avtojol jobalaryn iske asyrý qorytyndysynda aıtyldy.
«Respýblıkalyq jáne jergilikti mańyzy bar avtojoldardyń 10 myń shaqyrymy qurylys, rekonstrýksıa jáne jóndeý jumystarymen qamtyldy.
Onyń 3,6 myńy respýblıkalyq mańyzy bar joldar:
- Taldyqorǵan - Óskemen
- Qaraǵandy – Balqash – Býrylbaıtal – Kúrti - Qapshaǵaı
- Aqtóbe – Atyraý - Astrahan
- Qalbataý - Maıqapshaǵaı
- Úsharal - Dostyq
- Uzynaǵash - Otar
- Merki - Býrylbaıtal
- Qostanaı – Denısovka», - delingen habarlamada.
Mınıstrliktiń málimetinshe, qurylys maýsymynda joldardaǵy jobalarǵa 200 myńdaı adam jáne 12 myńǵa tarta jol-qurylys tehnıkasy jumyldyrylǵan.
«Jyl qorytyndysynda joldardyń sapasyn arttyra otyryp, I jáne II sanattaǵy 2248 shaqyrym avtojol paıdalanýǵa berildi. Jaqyn mańdaǵy 120 eldi mekendi qamtyǵan senimdi kólik qatynasy qamtamasyz etildi. İri eldi mekender janynda 6 aınalma jol salynyp, kólik jáne tranzıttik tasymaldar kólemi 2,5 ese artty. Bul rette jol qurylysyndaǵy qazaqstandyq qamtý 90%-dan asty», - delingen habarlamada.
Jol boıyndaǵy servısti damytý úshin tıisti qyzmetterdi tolyq qamtıtyn 71 keshen iske qosyldy. Olar: kempıngter, motelder, janarmaı quıý stansalary, tehnıkalyq qyzmet kórsetý stansalary, tamaqtanatyn jáne saýda oryndary jáne t.b.