Almatynyń sanıtarlyq jaǵdaıyn jaqsartý: jańa konteınerlik alańdar salý jáne eski qoqys konteınerlerin aýystyrý
Almatynyń sanıtarlyq jaǵdaıy men estetıkasyn jaqsartý jónindegi keshendi is-sharalar aıasynda 2025 jyly 581 jańa konteınerlik alań salý jáne tereńdetilgen úlgidegi 1 683 konteıner ornatý josparlanýda. Bul týraly qalanyń úsh jyldyq búdjeti bekitilgen Máslıhattyń kezekten tys sesıasy kezinde belgili boldy.
Zamanaýı konteınerler keńistikti paıdalanýdy ońtaılandyrýǵa, alań kólemin azaıtýǵa, jaǵymsyz ıisterdiń aldyn alýǵa jáne qustar men qańǵybas janýarlardan senimdi qorǵaýdy qamtamasyz etýge kómektesedi. Búgingi tańda qalada osyndaı 786 konteıner ornatylǵan, bul turǵyndar úshin neǵurlym taza jáne jaıly qalalyq keńistik qurýdaǵy mańyzdy qadam bolyp tabylady.
Sonymen qatar, 2024 jyly Almatyda turmystyq qatty qaldyqtardy jınaý úshin kólemi 1 m3 bolatyn 1800 plasıkalyq eýrokonteıner satyp alyndy. Bul konteınerler qoqys shyǵaratyn uıymdarǵa taratylady, bul qaldyqtardy kádege jaratý prosesterin jaqsartýǵa múmkindik beredi.
Esterińizge sala keteıik, 2012 jyly Almatyda 197 konteıner alańy salynyp, 1001 konteıner ornatyldy. Alaıda, agressıvti ortada jumys istegen 10 jyl ishinde bul konteınerler aıtarlyqtaı korozıaǵa ushyrady. Konteınerlerdi odan ári paıdalaný úshin Almatyda joǵary sapaly bastapqy taǵamdyq ekologıalyq taza polıetılendi qoldanatyn otandyq óndirýshiden jańa ónimder satyp alynady. Bul materıaldar álemdik standarttarǵa sáıkes, al óndiris tehnologıasy búkil ónim boıynsha birkelki qalyńdyǵy bar, tigistersiz jáne ishki kerneýlersiz konteınerler jasaýǵa múmkindik beredi, bul konteınerlerdiń senimdiligin, uzaqtylyǵy men beriktigin edáýir arttyrady.