2024 jylǵy 5 jeltoqsannan 2025 jylǵy 3 qańtarǵa deıin Almaty qalasynda polısıa qyzmetkerleri men Tótenshe jaǵdaılar departamentiniń órtke qarsy qyzmet mamandary birlesip «Pırotehnıka» respýblıkalyq jedel-profılaktıkalyq is-sharasyn ótkizedi, dep habarlaıdy aqshamnews.kz
İs-sharanyń maqsaty:
- Pırotehnıkalyq ónimderdiń zańsyz aınalymyna tosqaýyl qoıý;
- Azamattardyń qaýipsizdigin qamtamasyz etý.
Reıdterdiń negizgi baǵyttary:
- Jabaıy saýda oryndaryn anyqtaý;
- Pırotehnıkalyq ónimderdi kámeletke tolmaǵandarǵa satý faktileriniń aldyn alý;
- Balalardyń pırotehnıkalyq zattardy qoldanýyna erekshe nazar aýdarý.
Almaty qalalyq polısıa departamenti ákimshilik polısıa basqarmasy bastyǵynyń orynbasary Tımýr Serikqul:
– Azamattardy pırotehnıkalyq zattardy paıdalaný kezinde qaýipsizdik erejelerin saqtaýǵa shaqyramyz. Jazataıym oqıǵalardy boldyrmaý úshin belgilengen tártipke baǵyný mańyzdy. Eger quqyq buzýshylyqtar týraly aqparat bolsa, dereý quqyq qorǵaý organdaryna habarlańyz, – dedi.
Baqylaý baǵyttary:
- Jeke jáne zańdy tulǵalardyń pırotehnıkalyq zattardy saqtaý, tasymaldaý jáne satý erejeleriniń saqtalýyn qadaǵalaý.
Eskertý:
- Pırotehnıkalyq ónimderdi eldi mekenderde nemese ruqsat etilmegen oryndarda paıdalaný Qazaqstan Respýblıkasynyń Ákimshilik quqyq buzýshylyq týraly kodeksiniń (QR ÁQBK) 436-babyna sáıkes ákimshilik jaýapkershilikke ákeledi.
- Azamattyq pırotehnıkalyq zattardy saqtaý, esepke alý, paıdalaný, tasymaldaý nemese joıý tártibin buzǵandar QR ÁQBK-niń 483-baby boıynsha jaýapqa tartylady.
- Zańsyz saýdalaý tártibin buzǵan azamattarǵa QR ÁQBK-niń 196-babyna sáıkes shara qoldanylady.
Almaty qalasynyń turǵyndaryn qaýipsizdik sharalaryn saqtaýǵa jáne zańsyz áreketterden aýlaq bolýǵa shaqyramyz.